5-уми октябри соли 2026 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни сафари корӣ ба шаҳри Кӯлоб ду зеристгоҳи нави барқӣ ва як зеристгоҳи таҷдидшударо ба таври фосилавӣ мавриди истифода қарор доданд.

Иншооти мазкур дар доираи лоиҳаи «Кам намудани талафоти неру дар вилояти Хатлон» бо дастгирии Ҳукумати Ҷумҳурии Тоҷикистон ва дар ҳамкорӣ бо Бонки Аврупоии Таҷдид ва Рушд ва Иттиҳоди Аврупо бунёду навсозӣ гардиданд.

Дар МОИ «Кӯлоб» зеристгоҳи нави барқии 110/35/10 кВ бо насби ду трансформатори қудратии ҳар кадом 25 МВА бунёд шуд.

Ба истифода додани ин иншоот барои таъмини боэътимоди корхонаҳои минтақа бо неруи барқ ва фароҳам овардани шароити мусоид ҷиҳати рушди фаъолияти истеҳсолӣ аҳамияти муҳим дорад.

Ҳамчунин, дар маҳаллаи Қурбон Асадуллои шаҳри Кӯлоб зеристгоҳи нави барқии 110/10 кВ-и «Ато Саид» бо трансформатори қудратии 16 МВА сохта шуд. Дар баробари ин, ЗБ мавҷудаи 110/35/6 кВ-и «Кӯлоб» навсозӣ гардид.

Муфассал
Подробнее

✅@mewrtj