УСЁ ПА ЗАКОНЕ

На волі, калі холадна, усё проста. Апрануў цёплую куртку, уключыў ацяпленне, зрабіў гарбату.
  
У штрафным ізалятары выбару няма. Матрац не выдаюць, коўдру таксама, спаць даводзіцца на голых металічных нарах. Гарачай вады няма, кіпяцільнік забаронены, нават кубак гарачай гарбаты тут раскоша.
  
У ШІЗА я трапіў летам, на вуліцы было каля дваццаці градусаў цяпла, а ў камеры па адчуваннях не больш за дзесяць, дванадцаць, асабліва ноччу. Першыя хвіліны гэта яшчэ можна трываць, потым холад пачынае павольна залазіць пад вопратку. У ногі, у спіну, у рукі, ляжыш на голых нарах і адчуваеш, як цела пачынае дробна дрыжаць. Больш за гадзіну запар я амаль не спаў, прачынаўся ад холаду. Уставаў, хадзіў па камеры каб сугрэцца, зноў клаўся.
  
І ўсё паўтаралася, за дзесяць сутак нармальна не выспаўся ніводнай ночы.