Lavonczyk

❓ЧТО ДЕЛАТЬ ЕСЛИ МОЁ ФОТО В КНИГЕ «Я ВЫХОЖУ»

⚡️Обратиться за личной консультацией вы можете в @help_bysol⚡️

❓Что произошло?

По информации беларуских правозащитников, силовики массово заводят уголовные дела на беларусов, чьи фото с протестных акций 2020 года есть в книге Л. Пирса «Я выхожу» о событиях в Беларуси. Фотографии из книги используют в качестве главного доказательства в суде. Те беларусы, которых уже осудили за участие в акциях, получили реальные сроки ограничения или лишения свободы.

❓Как проверить есть ли на фотографиях я или мои знакомые?

Ознакомиться с PDF-версией книги «Я выхожу» можно в посте правозащитников по ссылке.

❓Что делать, если моё фото есть в книге?

Напишите нам на горячую линию @help_bysol. Если уголовного дела ещё не заведено, то у вас есть время на экстренную релокацию. При условии наличия у вас любого типа визы одной из Европейских стран, рекомендуем вам переехать в ЕС в кратчайшие сроки. При отсутствии визы стоит рассматривать экстренную релокацию в безвизовые страны, например в Грузию. При условии реального преследования, вы сможете получить гуманитарную визу в ЕС не находясь в Беларуси.

🗣Как экстренно переезжать наша редакция уже рассказывала в посте «Как собрать тревожный чемодан».

❗️Если ваши знакомые активно участвовали в протестных акциях в 2020 году, поделитесь с ними этим постом. Наша горячая линия проконсультирует по экстренной эвакуации при возможном преследовании!

⚡️По вопросам выезда, эвакуации и адаптации — пишите нам в @help_bysol ⚡️

❤️ Поддержать команду проекта можно по ссылке.

⚡️ @bysol_evacuation

🙋‍♂️Аляксей Лявончык: „Консульскі склад амбасадаў у Беларусі зараз моцна скарочаны, альбо ўвогуле адсутнічае. Частка пасольстваў пасля пачатку вайны ва Украіне адмаўляе беларусам у выстаўленні міграцыйных віз увогуле. Частка ўніверсітэтаў у Эстоніі і Чэхіі адмаўляецца прымаць беларускіх студэнтаў, альбо просіць выкладчыкаў часцей іх правяраць, таму студэнты адклікаюць дакументы з універсытэтаў. Раней Беларусь хаця б была часткай Балонскага працэсу, хоць і па стандартах адукацыі не дацягвала, зараз ВНУ зачышчаюцца ад «ворагаў-актывістаў». У такой сітуацыі немагчыма партызаншчына і немагчымы тым больш ніякі грамадскі супраціў. І гэта толькі пагаршае адукацыйны працэс”

Цудоўны матэрыял Эўрарадыё аб дыскрымінацыі, зь якой пачалі сутыкацца беларусы ў замежжы пасьля пачатку вайны. Некалькі чалавек кажуць пра свой досьвед у дэталях. А я ў канцы кажу: калі вы сутыкаецеся з дыскрымінацыяй паводле прынцыпу "захацела левая пятка" - не маўчыце. У Польшчы гэта можа быць заява ў пракуратуру, ośrodek zachowań rasistowskich i ksenofobicznych, у паліцыю. Калі вам адмаўляюць у адкрыцьці рахунку - то патрабуйце пісьмовага абгрунтаваньня, бо словы "гэта праз санкцыі" ў большасьці выпадкаў ёсьць асабістым меркаваньнем дробнага банкавага чыноўніка.

Галоўнае - не маўчыце!

https://euroradio.pl/sapsavany-pashpart-yak-belarusy-sutykayucca-z-dyskryminacyyay-u-polshchy

Два гады зачысткі краіны на ўзроўні Туркменістана.

Запрашэньне на адкрыты ўрок ад Лукашэнкі (пасьля шматлікіх праверак) дзяцей ну вельмі правільных бацькоў. Нельга ж, разумееце, каб нейкая шалупня макнула "гісторыка" галавой у лужыну.

Дзеці на адкрытым уроку макаюць (тройчы) пюрэра галавой у лужыну.

Усё ў нас будзе ў парадку. Калі над Лукой нават малыя сьмяюцца, і гэта пасьля такога тэрора.

Россиянам безвиз и саудитам безвиз. Но есть нюанс.

ЕС предложил странам Совета сотрудничества в Заливе (GCC) поговорить о полном безвизе с шенгеном.

GCC - это Катар, Оман, ОАЭ, Саудия, Кувейт и Бахрейн. Безвиз с шенгеном пока имеет только ОАЭ. Если договоряться, то граждане ЕС также по принципу взаимности заимеют безвиз, например, в Саудию, до 2019 одну из самых закрытых стран мира.

Причина - скорее всего налаживание альтернативных каналов поставки энергоносителей. И тут средневековость устройства СА никак не помешает.

Вось аб тым, што я прадказваў усю дарогу: калі выбар стаіць між унутранай палітыкай ды падтрымкай суседа, то зь цягам часу верх возьме ўнутраная палітыка (калі сусед не ў Эўрапейскім Зьвязе).

Шэсьць найбуйнейшых эканомік Эўропы не прапанавалі ў ліпені новых паставак зброі для ўкраінскай арміі. У гэтую шасьцёрку ўваходзяць і колішнія лідэры падтрымкі Кіева - Польшча й Брытанія.
Прычынай можа быць як стома ад вайны (асабліва калі ўжо некаторы час на фронце з аніводнага боку няма ніякіх моцных зрухаў), так і тое, што Эўропа сёньня напоўніцу занятая эканамічнай вайной, каторую вядзе з Пуціным. Да зімы засталося ня так даўга, і калі яна будзе дастаткова халоднай, то ніякіх запасаў газу ня хопіць, што спрычыніцца да рэцэссіі ў такіх цяжкапрамысловых эканоміках, як Нямеччына (і ўся ейная перыферыя, уключна з Польшчай). Таму ЭЗ мае літаральна некалькі месяцаў на тое, каб забясьпечыць альтэрнатыўныя пастаўкі газу.

У Брытаніі верхняя граніца рахункаў за электрычнасьць зь верасьня (падаецца) вырасьце амаль у два разы, а да верасьня - у тры. Прэм'ерскія кандыдаты дэбатуюць у першую чаргу, як перадухіліць крызіс плацяжоў, чым пра Ўкраіну. Я пісаў, што пазўаўчора быў першы дзень, калі Ўкраіна амаль зьнікла зь вядучай брытыйскай прэсы. Менавіта так зьнікала й Беларусь.

Кіеву сёньня як ніколі нельга раскідвацца саюзьнікамі.

https://www.politico.eu/article/data-show-europe-waning-military-support-ukraine

БЯСЬПЕКА! ВАЖНА!

Шмат хто з пратэстоўцаў дагэтуль захоўвае фоткі з маршаў у мабілах. Пры гэтым губапупсікі за апошнія два гады назапасілі кучу фотак з тэлефонаў арыштаваных, якія яны праганяюць праз праграму ідэнтыфікацыі твараў. Ствараецца адзіная база, куды зьмяшчаюцца ўсе здымкі з тэхнікі затрыманых пратэстоўцаў.

Такім чынам фармуецца ланцужок: аднаго ўзялі па адміністратыўцы - знайшлі фоткі - прышылі крыміналку - на фотках знайшлі сяброў - прыйшлі па іх - залезлі ў тэлефоны - знайші фоткі з іншымі сябрамі - ланцужок паўтараецца.

Фоткі, якія трапляюць у базу з вашых тэлефонаў, могуць дазволіць ідэнтыфікаваць людзей, якія праходзяць мяжу й раней ніколі не трапляліся.

Таму абавязкова:
- рассінхранізуйце аблокі на дадатак да закрыцьця профіляў у сацыяльных сетках. Пра апошняе ўсе памятаюць, пра першае - амаль ніхто.

- рэгулярна чысьціце тэлефон ад здымкаў

- калі хочаце захаваць здымкі на будучыню (а нам гэта будзе трэба для расьледваньня злачынстваў супраць дэманстрантаў у будучыні) - то грузіце іх у воблака ў ручным рэжыме, пасьля чаго выдаляйце з тэлефона. Не сінхранізуйце воблака з тэлефонам аўтаматычна. Трапіць тэлефон у рукі губапупсікаў - даламаюцца да воблака, бо будзе відаць, дзе яно.

Не дадавайце м*дакам працы.

На другія ўгодкі беларускай рэвалюцыі 2020 года я напішу набіўшае аскому "мы тады ўсё ж перамаглі".

Не, нам не здалося тады ўзяць уладу. Чаму - хай разьбіраюцца гісторыкі, калі мы гэтую ўладу нарэшце возьмем.

Я браў удзел у дэмакратычным руху пачынаючы зь 2007 года - і блізка пільнаваў палітыку ўжо зь 1998-га. І я ня памятаю аніводных выбараў, калі б я мог шчыра сам сабе сказаць, што так - цяпер на плошчу выйшла бальшыня. Цяпер сацыяльны кантракт зламаны.

Не. На плошчу шторазу выходзіла меншыня - хай нават яна ўсё болела з кожным выхадам. Бальшыні было пофігу. Бальшыня хацела нармальна жыць, бо яшчэ не разгледзелася, што можна нармальна жыць інакш і без лукашызма. Не было яшчэ тады дастатковага роўня дабрабыту, каб дазволіць сабе з'езьдзіць выпіць кавы ля палацу Шонбрун, як пісаў клясык. Бальшыня параўновала сябе з Украінай - і знаходзіла кучу нагодаў сказаць "а ў нас лепей". Ды што там - самі ўкраінцы казалі нам пра парадачак і крэпкава хазяйсьцьвенніка.

У 2015 годзе рэжым, апасаючыся паўтору крымнаша, адпусьціў цуглі і перастаў мяшацца ў непалітычны актывізм - што спрычынілася да неверагоднага практыкаваньня ў самаарганізацыі цягам наступных пяці год. Практыкаваньня, якое скончылася кампаніяй BYcovid, якая фактычна замяніла дзяржаву, што адмаўляла існаваньня віруса.

І галоўнае - да таго чаму бальшыня ўжо наезьдзілася й нагледзелася, бо ровень дабрабыту дазволяў. І калі 16 жніўня, пасьля вестак аб катаваньнях у турмах, на вуліцы выйшлі 3% насельніцтва краіны - ды й яшчэ пад забароненым сымбалем, то стала відавочна, што сацыяльны кантракт рухнуў.

Цыцэрон казаў, што раб марыць не аб свабодзе, а аб праве мець сваіх рабоў. Бандэра казаў, што нічога не спыніць ідэю, час якое настаў. Жнівень 2020 года давёў, што ідэя пранікла ў нас. Можна ўстроіць рэпрэсіі ўзроўня Паўночнай Карэі - ды толькі з агульнапрынятай ідэяй ствалом змагацца немагчыма. You can not shoot the words.

Калі ўстроіць свабодныя выбары ў сёньняшнім Туркменістане, то хутчэй за ўсё атрымаеш сабе чарговага туркменбашы. Але на першых свабодных выбарах беларусы ўжо дакладна абяруць не чарговага лукашонка. І гэта ніякімі рэпрэсіямі не выцерці. Яшчэ ў 2015 годзе ў мяне не было такой перакананасьці.

Нічога не спыніць ідэю, час каторай настаў. Нашая ідэя настала роўна два гады таму.

Пятніца вечар, вырашыў трошкі пагаварыць пра срач.

Вельмі распаўсюджаная думка, што толькі беларусы не ўмеюць дамаўляцца. Гэта, насамрэч, усё фуфло. Вы сачылі за дыскусіямі ў польскім сеціве падчас разьдзіманьня Валынскага пытаньня? Гэта зараз украінцы такія сябры палякаў, а ў 2017 годзе правячая партыя (дада, якую цяпер Зяленскі хваліць як узорнага хаўрусьніка) называла ледзь не адкрытым тэкстам украінцаў ворагам, які падчас другой сусьветнай вайны ўстроіў разьню этнічных палякаў. Дык вось, там тады такое неслася, што нашыя цапкалагейты падаліся б дзіцячым карагодам.

Ці дыскусія ў Брытаніі падчас брэксіту. Такой колькасьці хлусьні адносна выхаду краіны з ЭЗ я ня бачыў. "Ня будзе ніякага іпакта на эканоміку, а тыя, хто сьцьвярджае адваротнае - хлусы й нацысты". Дада, прыхільнікаў ЕС там масава называлі нацыстамі, якія хочуць стварыць вялікі рэйх коштам незалежнасьці Брытаніі.

Срач (разам з абсалютна неабгрунтаванымі й хлусьлівымі каментамі) - штука абсалютна нармальная. Хацелася б вядома каб быў не срач, а дыскусія, аднак маем тое што мы маем. Я да таго, што ва ўменьні пасрацца беларусы далёка не самотныя.

То бок хлусьлівая атака Цапкалы на фонды байхелп і байсол магла б мець месца і ў дэмакратычнай краіне з даўнімі традыцыямі публічнае дыскусіі. Дваедушша ў патрабаваньні аўдыту нас чалавекам, які наплёў пра тое, што сабраў 4 мільёны (а выявілася што 20 тысяч, ды й тое ня ён) - таксама магло б здарыцца і ў Нямеччыне, і ў Польшчы. З гэтым трэба зьмірыцца.

Але вось што для мяне непрымальна - гэта калі мне пішуць каментары, маўляў, не разьдзімайце срач, трэба аб'ядноўвацца. Персанажы накшталт Цапкалы аб'ядноўвацца не ўмеюць. І мову яны разумеюць толькі адну - з нагі. Мову з выкрыцьцём хлусьні аб няісных 4 мільёнах яны разумеюць цудоўна. Маўчаньне ці шляхетнасьць - не.

Калі байхэлп не чапляюць - гаўняць іншых мы ня будзем. Але калі персанажы кшталту Цапкалы ці Карач ці Зянковіча беспадстаўна гоняць на нас - то мы маем поўнае права выцягнуць і выпеляскаць іхную брудную бялізну. Бо мне, шчыра, трошкі настапізьдзела, калі да нас накіроўваюць людзей атрымліваць дапамогу - і потым прыпісваюць гэтую дапамогу сабе, як "Наш Дом".

Карач і Цапкала вырашылі аб’яднацца ў партыю КаЦап.

Апошнюю, так сказаць, надзею беларускай дэмакратыі.

Зь сёньняшняга дня беларусы, якія уцяклі з Украіны ў Польшчу й ня могуць вярнуцца ў Беларусь, маюць права дастаць (задарма) трохгадовы дазвол на побыт з правам працы. З новага года тыя, каму сканчаецца пашпарт, змогуць аплікавацца на польскі праязны дакумент. Хто зьбег у Польшчу ад рэпрэсій да пачатку вайны змогуць атрымаць гуманітарную візу й потым ВНЖ, не выязджаючы з Польшчы.

Ва Ўкраіне беларускія валянтэры могуць бясплатна атрымаць хй. Сёньня ўкраінская ДМС паставіла дэпорт валянтэрцы Карыне Пацёмкінай, якая дапамагала ў Бучы. Спачатку ёй не дазвалялі здаць дакументы (бо вайна), то бок прымусова зрабілі нелегалам. А потым - дэпорт.

Тут і пытаньне пра салідарнасьць, і пра то, хто для Ўкраіны галоўны вораг. Гэта нават не Пуценг. Таго відаць і зь ім можна змагацца. Галоўны вораг Украіны - яе чынавенства. Горш за сіфіліс у апошняй стадыі.

Франак Вячорка й Валер Кавалеўскі працуюць над тым, каб гэтае "рашэньне" адмянілі. Аднак немагчыма вырашаць кожны такі выпадак свавольля ў ручным рэжыме. Украіна мусіць нарэшце пачаць імплементаваць стандарты ЕС ў публічным жыцьці, адзін зь якіх - недыскрымінацыя. І пракамунікаваць гэта не пустымі словамі Зяленскага пра тое, як ён адрозьнівае рэжым і грамадзтва, а справай стварэньня рабочай схемы легалізацыі беларусаў, якія засталіся й хочуць дапамагаць Украіне змагацца з агульным ворагам.

Інакш ёй варта йсьці ў зусім іншым ад ЭЗ накірунку. Ветлівых словаў мне ўжо брак.

Сябры, мы працягваем зьбіраць грошы для выходзячых палітычных зьняволеных у Беларусі. Мы - гэта кампанія BY_Help ды фонд BYSOL. Данатнуць нам можна пад спасылку ўнізе гэтага допісу.

На сёньня палітычных вязьняў у Беларусі болей за 1100. На тле навінаў аб дзейнасьці беларусаў на запавольваньне расейскага ўварваньня ва Ўкраіну іх стане, відаць, болей.

За апошнія тры месяцы мы зрабілі выплаты амаль ста былым вязьням. Ужо мінуў больш як год ад першых палітычных "прысудаў", і ў 2022 годзе выйдзе яшчэ як мінімум некалькі дзясяткаў. Яны выходзяць у нікуды, траўмаванымі несправядлівым прысудам і почасту нялюдзкімі ўмовамі ўтрыманьня.

Мы запусьцілі чатырохузроўневую сістэму падтрымкі.

Першы ўзровень - гэта аднаразовая выплата ў памеры €300. Мы імкнемся зрабіць яе цягам аднаго тыдня з моманту атрыманьня заяўкі.

Другі ўзровень - гэта, калі трэба, дапамога з выездам з краіны.

Трэці зровень - мэдычная рэабілітацыя. Гэты кірунак рэалізуецца разам з нашымі швайцарска-нямецкімі партнэрамі.

І чацьвёрты - дапамога на новым месцы для тых, хто пераеехаў. У нас ёсьць парнэры ў Польшчы ды Літве. У іншых краінах мы надаем кансультатыўную падтрымку.

https://www.facebook.com/donate/1629762060725683/10222083446339513/

То бок Украіна хоча захаваць поле манэўру і не злаваць Лукашэнка, бо "20 даляраў гэта 20 даляраў". Прабачце, там, вядома, прагучала не пра 20 даляраў, а пра закупкі зь беларускіх НПЗ, але тым ня меней.

А тое, што з нашай тэрыторыі яшчэ нядаўна ў Кіеў, Чарнігаў, Роўна шмалялі ракетамі - не хвалюе ўжо.

Але беларусы ўсё адно вінаватыя, што не зрынулі рэжым ці не пайшлі на ракеты з голымі рукамі.

Чо непанятнава? Гэта называецца рыялпалітык.

Але, калі вы хочаце рабіць рыялпалітык, то калі ласка не патрабуйце ад іншага боку нейкай калектыўнай віны і не заклікайце яго рабіць выбар, якога не існуе. Бо гэта будзе называцца шызафрэніяй.

Больш за тое. Ня трэба заклікаць Эўропу да маральнасьці й патрабаваць адмовіцца ад расейскага газу, калі спадар Арастовіч зь Зяленскім не гатовыя самі да дыскамфорту ад адсутнасьці паставак зь беларускіх НПЗ. А тое неяк дзіўна атрымліваецца: калі Эўропа купляе газ у Пуціна, яна слабая і непрынцыповая. Калі Ўкраіна купляе газ у Лукашэнкі - просто бізнэс.

За*балі

Адзіны замежны ўчастак, на каторым Лепэніха атрымала бальшыню, быў Масква. Чакана - але чаму толькі Масква? Чаму не Будапэшт, у каторым аматарка Пуціна атрымала 11 мільлёнаў крэдыту на выбары, якія мусілі стаць пачаткам нацыяналістычнага інтэрнацыяналу ў ЭЗ? Недапрацоўвая дзядзя Орбан Віктар.

Я хацеў пракаментаваць заявы (асабліва зь NYT, што даўно пакутуе на нейкую дзіўную абсэсію ЛеПэн і ўвогуле ўсім антыміграцыйным інтэрнацыяналам), што 41.5% для скрайняй правіцы азначае "страшную небясьпеку, бо анты-іміграцыйныя і анты-ісламскія ідэі становяцца прымальнымі для ўсё большай колькасьці французаў".

Па-першае, паглядзіце на перадвыбарчыя апытанкі Opinion Way/Ipsos/Ifop пра трывогі французаў. Ім пакласьці на іміграцыю. Ну ладна, мо не пакласьці, але апантанасьці ёй ды ісламам, як спрабуе гэта падаць The New York Times, верзучы пра "never has anti-immigrant and anti-Islam party has been that close to power", няма. На першым месцы стаіць pourvoir d'achat (пакупніцкая здольнасьць). Што ня дзіва - інфляцыя пасьля кавіднага банкету (я папераджаў!) б'е ўсе рэкорды, базавыя стаўкі паўзуць угару, што аўтаматычна даражэе усе крэдыты, каторых насельніцтва падчас эпохі танных грашэй набрало на акіян. Ле Пэн гэта ўчасна скеміла й збудавала перадвыбарчы маніфест менавіта на эканамічных праблемах, у каторых яна нідзе (падкрэсьлю) не абвінавачвала ЭЗ.

Па-другое, іміграцыя ды іслам былі ў маніфэсьце, так. Але глыбока пад pourvoir d'achat. Так, тамака партыйка Ле Пэн заставалася верная сваім падставовым ідэалам, і, хаця адмовілася ад Фрэксіту (бо народу Брэксіт, мякка кажучы, не зайшоў), яе прапановы ўключалі ўвядзеньне нацыянальнай прэфэрэнцыі для пранцузаў пры найме на працу, што наўпрост пярэчыла ня толькі эўрапейскім трактатам, але й самой канстутуцыі краіны. Але аматарка шансон ля рюс ўсімі сіламі спрабавала не акцэнтаваць на гэтым увагу, бо ведала, што на старой песьні пра клятых замежнікаў і кляты ЭЗ яна не абярэцца - але ўключыць у маніфэст трэба, каб не згубіць стары нацыкаўскі ляхтарат. Не акцэнтаваць увагу пасьпяхова ўдавалася аж да канца першага тура, а потым Макрон вельмі педантычна выцягнуў яе ідэі пад суфіт ды публічна расправіўся зь імі - нездарма ж ягоны адрыў ад яе за два тыдні вырас з 51/49 да 59/41.

Па-трэцяе, добрая частка французаў не галасавала ў другім туры за Ле Пэн ці за Макрона. Яны галасавалі супраць большага зла. У першым туры амаль 22 адсоткі зыйшло левым, кандыдату каторых, Меленшону, не хапіла паўтары адсоткі, каб выйсьці ў другі тур заміж сяброўкі Пуціна. Менавіта на ягоных выбарцах і наварыўся Макрон. І менавіта на цэнтра-левай платформе яму давядзецца шукаць прэм'ера, каб выйграць выбары ў Асамблею праз два месяцы.

Так што не, не сталі французы нацыкамі. Яны баяліся за сваю кішэню, і Ле Пэн выбудавала сваю праграму менавіта на "разуменьні эканамічных складанасьцяў сярэдняга грамадзяніна". Антымігранцкая рыторыка была глыбока закапаная ў ейным маніфесце й яна спадзявалася, што на яе ўвагі зьвяртаць ня будуць. Зьвярнулі. Ды так, што яна прайграла з адрывам у 16 пунктаў.

Пагаварыў з KYKY.org , чаму беларусам ня мусіць быць сорамна, як тут некаторыя напалягаюць.

https://kyky.org/hero/belarusam-pavinna-byts-soramna-idzitse-dupu-dzesyats-prychyn-ne-lichyts-syabe-chastkay-nikchemnay-natsyi

Як вывезьці ці ўвезьці грошы ў Беларусь. Буду кароткі.

Як вы ведаеце, кампанія BY_help ад 25 чэрвеня 2020 года аплаціла болей чым 18 тысячам чалавек штрафы ці кампенсацыі за катаваньні ў турмах. Гэта азначае, што ў нас ёсьць сетка плацельшчыкаў у Беларусі, якая за апошнія пятнаццаць месяцаў не панесла аніводнай страты. ДФР, прывет.

Таксама вы ведаеце, што ў сувязі з санкцыямі стала цяжка выпраўляць грошы ў Беларусь сваякам. Сістэмы міжнародных пераказаў працуюць праз адно месца, а нават калі й так - то ня хочацца прыцягваць увагу да пераказаў з-за мяжы.

І таксама шмат людзей, у сувязі з падзеямі ва Ўкраіне, хоча вывезьці грошы за мяжу.

Як мы можам дапамагчы:
1. BY_help можа празь сваю сетку плацельшчыкаў перадаць грошы з-за мяжы вашым сваякам у краіне. Вы пералічваеце на наш рахунак колькі трэба аддаць - мы паралельна перадаем там.

2. BY_help вывезьці вашыя грошы зь Беларусі. Мы пераказваем на ваш рахунак за мяжой патрэбную суму - вы аддаеце ў Беларусі. Адразу папераджаю, што запытаў на вываз у мяне стаіць болей чым на €1.000.000, таму тут магчымыя затрымкі. Навошта нам гэта? - бо нам трэба працягваць аплочваць выдаткі пацярпелых ад рэжыму ўнутры краіны, а гэта мы робім гатоўкай.

Кантактавацца можна праз мой тэлеграм @eolonir, або праз афіцыйны фб кампаніі https://www.facebook.com/BYhelpBY

Адразу адказы на частыя пытаньні.
1. ці даходзяць грошы? - мы аплацілі болей як 18 тысяч заявак. Калі б грошы сістэмна не даходзілі, то гэта б стала вядома на ўсю публічную прастору.

2. навошта вам гэта? - рытарычнае, прапускаем.

3. бярэце працэнт? - не. мы почасту нават бярэм на сябе кошты перасылкі грашэй, але не заўжды.

⚡⚡⚡Польскі Сейм ухваліў папраўкі для беларусаў:

- гуманітарныя візы беларусам, што выехалі з Украіны, будуць выдаваць у Польшчы;

- пасля гуманітарнай візы можа будзе атрымаць ВНЖ на 3 гады;

- са студзеня 2023 па такому ВНЖ можна будзе атрымаць падарожны дакумент (заменнік пашпарта), з якім можна будзе падарожнічаць па Шэнгене і за межы ЕЗ.

Заявы на атрыманне гуманітарных віз будуць прымацца ў візавых цэнтрах пры конскльскіх дэпартаментах МЗС.

Падпішыся на канал
👉Беларускага Моладзевага Хаба

Коцікі, калі размаўляюць пра закрыцьцё межаў ЭЗ зь Беларусьсю, гаворка не вядзецца пра закрыцьцё ў стылі СССР-ПНР. Гаворка пра выключна грузаперавозкі.

І тое, нават гэта яшчэ віламі па вадзе пісана. Балты, фіны ды Польшча бяз згоды рэшты ЭЗ гэтага зрабіць не могуць, бо тут на кану інтарэсы соцень тысяч фірм, якім трэба прынамсі тэарэтычна ўзгадніць кампенсацыю. Такой згоды пакуль няма. Так што давайце глядзець на разьвіцьцё падзей, а ня кідацца ў катэгарычныя прадказаньні як з загадам Лукі беларускай арміі йсьці ва Ўкраіну ці мабілізацыяй прызыўнікоў. Колькі было "дакладна верыфікаваных крыніц, каторыя гэта пацьвярджалі" - а па выніку нуль.

Мы даведаемся гэта толькі тады, калі Варшава, Вільня, Рыга, Талін і Хельсінкі ўзгадняць гэта з Брусэлем. Не раней. Усё астатняе - домыслы.

С 3 апреля для граждан Беларуси въезд в страну и выезд не ограничены, ПЦР-тест (сертификат о вакцинации) не требуется — ГПК РБ.