🇰🇬 ВНЖ, каттоо жана чет элдиктерге иштөөгө уруксат берүү функциялары Эмгек министрлигине өткөрүлдү



Президент Садыр Жапаров миграциялык айрым функцияларды Эмгек, социалдык камсыздоо жана миграция министрлигине өткөрүү жөнүндө жарлыкка кол койду.

📌 Тышкы иштер министрлигинен жаңы ведомствого чет элдиктерге:

• Кыргызстанга кирүү, өлкөдө болуу жана иштөө үчүн бирдиктүү уруксат берүү;
• резидент-карталарды тариздөө жана берүү функциялары өтөт.

Бул мамлекеттик кызматтарды көрсөтүү процесси аутсорсингге өткөрүлүшү пландалууда.

🏛️ «Кызмат» мамлекеттик мекемесинен болсо:

• ВНЖ тариздөө;
• жарандык маселелерин кароо;
• чет өлкөлүк жарандарды жана жарандыгы жок адамдарды жашаган жери боюнча каттоо жана эсепке алуу функциялары алынат.

Министрликтин алдында Миграция маселелери боюнча департамент түзүлүп, ага тиешелүү кызматкерлер, маалыматтык системалар жана электрондук базалар өткөрүлөт.

Кабинет функцияларды жана бүтө элек арыздарды өткөрүп берүү тартибин аныктап, өтүү мезгилинде кызмат көрсөтүүлөрдүн үзгүлтүксүз иштешин камсыз кылууга тийиш.




@kgosho Билип жаша!