🍯🇰🇬 Кыргызстанда балдын сапатын текшерүүчү заманбап лаборатория түзүлөт



Кыргызстанда балдын сапатын жана анын эл аралык стандарттарга шайкештигин текшерүүчү заманбап лаборатория ачылат. Бул тууралуу К.Скрябин атындагы Кыргыз улуттук агрардык университетинин ректору Нурзат Тотубаева билдирди.

🍯 Анын айтымында, Кыргызстанда өндүрүлгөн бал сапаты боюнча мыктылардын бири деп эсептелет. Бирок өлкөдө балдын сапатын эл аралык талаптарга ылайык толук текшере турган лаборатория ушул убакка чейин болгон эмес.

Ошондуктан айрым бал өндүрүүчүлөр үлгүлөрүн экспертиза үчүн Казакстанга же Россияга жөнөтүүгө аргасыз болушкан.

🔬 Эми Кыргызстанда өзүнүн лабораториясы иштеп, балдын сапатын аныктап, анын эл аралык стандарттарга жооп берерин текшерүүгө мүмкүнчүлүк түзүлөт.

🐝 Мындан тышкары, университеттин базасында балчылыкты өнүктүрүү боюнча илимий борбор түзүү пландалууда. Анда илим, билим берүү, инновация жана өндүрүштү бириктирген изилдөөлөр жүргүзүлөт.



@kgosho Билип жаша!