🐟 Кыргызстан менен Россия балык чарбасында биргелешкен ишканаларды түзүүнү пландоодо



Кыргызстан менен Россия балык чарбасында биргелешкен ишканаларды түзүү боюнча макулдашууга ниеттенүүдө. Бул тууралуу Санкт-Петербургда өткөн жолугушууда айтылды.

🤝 Жолугушуу Кыргызстандын министрлер кабинетинин төрагасынын орун басары, суу ресурстары, айыл чарба жана кайра иштетүү өнөр жайы министри Эрлист Акунбеков менен Россиянын вице-премьер-министри Дмитрий Патрушевдин ортосунда өттү.

📈 2025-жылы Кыргызстан менен Россиянын айыл чарба жана кайра иштетилген продукция боюнча соода жүгүртүүсү $652,3 млн түзүп, 2024-жылга салыштырмалуу $88,5 млн өскөн.

🏭 Тараптар кадимки соодадан биргелешкен өндүрүшкө өтүүнүн маанилүүлүгүн белгилешти. Балыкты кайра иштетүүчү ишканаларды, логистиканы өнүктүрүү жана заманбап таңгактоону киргизүү маселелери талкууланды.

🇰🇬 Эрлист Акунбеков балык чарбасы, айыл чарба продукциясын кайра иштетүү жана кыргызстандык товарларды Россиянын рыногуна чыгарууну кеңейтүү боюнча жаңы долбоорлорду сунуштады.

📋 Жыйынтыгында балык чарбасындагы долбоорлорду ишке ашыруу үчүн биргелешкен жол карталарын даярдоо чечими кабыл алынды. Россия тарап сунуштарды практикалык жактан ишке ашырууга даяр экенин билдирди.



@kgosho Билип жаша!