🏦 Кыргызстандын банктары санкцияга кабылган адамдардын жана уюмдардын бирдиктүү «кара тизмесин» түзүүдө



Кыргызстандын коммерциялык банктары санкцияга кабылган адамдарды жана уюмдарды камтыган бирдиктүү банктар аралык «кара тизме» түзүп жатат. Бул тууралуу экономика жана коммерция министри Бакыт Сыдыков билдирди.

📋 Тизме банктарга санкциядагы кардарларды аныктап, алардын Кыргызстандагы банк системасы аркылуу операция жүргүзүүсүн чектөөгө жардам берет.

🔎 Банктарда санкциялык комплаенс боюнча ички комитеттер да түзүлүүдө. Айрым каржы уюмдары санкцияларды айланып өтүүгө байланышкан операцияларды көзөмөлдөө үчүн директорлор кеңешинин курамын өзгөрткөн.

⚠️ Сыдыковдун айтымында, Кыргызстандагы санкциялык көзөмөлдө негизинен АКШ, Евробиримдик жана Улуу Британиянын санкциялары да эске алынат.

💳 Ошондой эле банктарга төлөмдөрдү реалдуу убакытта көзөмөлдөө, товарлардын акыркы алуучусун жана жеткирүү өлкөсүн текшерүү тапшырылган.

❗️ Бирок «кара тизме» качан иштей баштай турганы, ага кайсы банктар кошулары жана кардарларды тизмеге киргизүү тартиби азырынча такталган эмес.

Министрдин билдиришинче, негизги максат — кыргызстандык банктарды жана компанияларды санкциялык тобокелдиктерден коргоо, ошондой эле өлкөгө инвестиция тартуу жана эл аралык рынокторго чыгуу мүмкүнчүлүгүн сактоо.


@kgosho Билип жаша!