🏛️ Жогорку Кеңештин 2031-жылга чейинки өнүгүү стратегиясы даярдалууда



Кыргызстанда Жогорку Кеңештин 2031-жылга чейинки өнүгүү стратегиясы иштелип жатат.

📌 Документте мыйзамдардын сапатын жогорулатуу, парламенттик көзөмөлдү күчөтүү, иш процесстерин санариптештирүү жана жасалма интеллектти жоопкерчиликтүү колдонуу каралууда.

⚖️ Ошондой эле кабыл алынган мыйзамдардын аткарылышын көзөмөлдөө, алардын коомго тийгизген таасирин баалоо жана парламенттин ишинин натыйжалуулугун жогорулатуу маселелери талкууланды.

💻 Стратегияда парламенттин ачыктыгын кеңейтүү, жарандардын жана эксперттердин катышуусун күчөтүү, инклюзивдүүлүктү камсыз кылуу да каралат.

🤖 Буга чейин парламентти санариптештирүү боюнча иштер башталган. 2026-жылдын 4-июнунан тарта кабыл алынган мыйзамдар президенттин кол коюусуна электрондук форматта жөнөтүлө баштаган. Коомдук кабылдамада жарандардын кайрылууларын иштетүүдө ЖИ инструменттери колдонулууда.

Стратегияны Жогорку Кеңештин алдындагы Парламентти жана демократияны өнүктүрүү борбору ЕККУнун Бишкектеги программалык кеңсеси жана БУУӨПтүн колдоосу менен иштеп жатат.


@kgosho Билип жаша!