👵🏻 Кыргызстанда пенсионерлер көбөйүп, камсыздандыруу төгүмдөрүн төлөгөндөр азайууда



Кыргызстанда камсыздандыруу төгүмдөрүн төлөгөндөрдүн саны азайып, пенсионерлердин саны өсүүдө. Бул тууралуу депутат Дастан Бекешов Соцфонддун 2025-жылдагы отчётун жана Эсеп палатасынын аудитин талдап жатып билдирди.

📉 Бир жыл ичинде төгүм төлөгөндөрдүн саны дээрлик 98 миңге азайып, 1 млн 464 миң адамды түзгөн.

👴🏻 Ал эми пенсионерлердин саны 816,6 миңге жеткен. Натыйжада азыр бир пенсионерге 1,8 гана төгүм төлөөчү туура келет.

💰 Депутат мындай тенденция улана берсе, пенсиялык системага жана мамлекеттик бюджетке түшкөн жүк көбөйүшү мүмкүн экенин белгиледи.

📊 Ошондой эле 2025-жылы орточо пенсия 6,1% өскөнү менен, Эсеп палатасынын баалоосунда анын реалдуу сатып алуу жөндөмү болжол менен 2% төмөндөгөн.

📌 Бекешов Соцфондго Мамлекеттик салык кызматы менен биргеликте камсыздандыруу төгүмдөрүн төлөөчүлөрдүн базасын кеңейтүүнү жана Эсеп палатасы көрсөткөн кемчиликтерди жоюуну сунуштады.



@kgosho Билип жаша!