🏦 Кыргызстандын банктары санкцияга кабылган компаниялардын бирдиктүү «кара тизмесин» түзүүдө



Кыргызстандын банктары санкцияга кабылган компаниялар үчүн бирдиктүү банктар аралык кара тизме түзүүнүн үстүндө иштеп жатат.

📋 Тизменин негизги максаты — санкциядагы компаниялардын Кыргызстандын банк системасы аркылуу операция жүргүзүүсүнө жол бербөө.

Бул тууралуу Экономика жана коммерция министри, санкция саясаты боюнча президенттин атайын өкүлү Бакыт Сыдыков билдирди.

🔎 Кыргызстан санкцияларды айланып өтүүгө аракет кылган компанияларды эрте аныктоо жана алардын ишмердүүлүгүнө бөгөт коюу механизмдерин күчөтүп жатат.

🏦 Коммерциялык банктарда санкциялык көзөмөл боюнча ички комитеттер түзүлүп, айрым банктар директорлор кеңешинин курамын да өзгөрткөн.

⚠️ Министрдин айтымында, азыркы система негизинен мыйзам бузуу аныкталгандан кийин чара көрүүгө мүмкүнчүлүк берет. Эми Кыргызстан шектүү операцияларды алдын ала аныктап, санкцияларды айланып өтүүгө жол бербеген системага өтүүнү көздөп жатат.

🛡️ Бирдиктүү банктар аралык «кара тизме» ушул комплекстүү көзөмөл системасынын негизги элементтеринин бири болмокчу.



@kgosho Билип жаша!