#IB #MYP #InternationalEducation

IB MYP DASTURI DOIRASIDA NAVBATDAGI TASHRIF

🌐 Muhammad al-Xorazmiy nomidagi ixtisoslashtirilgan maktabga 2-oktabr kuni International Baccalaureate (IB) tashkiloti vakili, tashqi aloqalar menejeri Aaron Boles tashrif buyurdi. Mazkur tashrif maktabning 2025-yil mart oyida IB MYP dasturi akkreditatsiyasidan muvaffaqiyatli o‘tganidan keyingi faoliyatni o‘rganish va rivojlanish jarayonini monitoring qilish doirasida tashkil etildi.

📚 Tashrif davomida maktabdagi ta’lim va baholash tizimi, o‘quvchilarning loyihaviy faoliyati, zamonaviy pedagogik yondashuvlar hamda o‘quvchilar uchun tashkil etilgan qo‘shimcha to‘garak va mashg‘ulotlar bilan tanishildi. Shuningdek, o‘quvchilarning bilim va ko‘nikmalarini rivojlantirishga qaratilgan loyihalar hamda maktabda yaratilgan ta’limiy imkoniyatlar ko‘zdan kechirildi.

✨ Tashrif yakunida maktabdagi ta’lim va baholash tizimi, o‘quvchilar loyihalari hamda qo‘shimcha ta’lim imkoniyatlari yuqori baholandi. Mazkur tashrif IB MYP dasturi doirasida olib borilayotgan ishlarni izchil rivojlantirish, mavjud tajribalarni yanada takomillashtirish va o‘quvchilar uchun xalqaro standartlarga mos ta’lim muhitini shakllantirish yo‘lidagi muhim jarayonlardan biri bo‘ldi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin