Joriy yilning 18–19-iyul kunlari Toshkent shahridagi “Avtotexxizmat” MCHJ bazasida “Yangi O‘zbekiston bunyodkorlari” kasbiy mahorat milliy tanlovining “Avtomobillarga texnik xizmat ko‘rsatish” kasbi bo‘yicha Respublika final bosqichi bo‘lib o‘tmoqda.
Mazkur final bosqichida respublikaning 14 ta hududidan tashrif buyurgan 70 nafar ishtirokchi o‘zaro kasbiy mahoratini sinovdan o‘tkazmoqda. Tanlov davomida ular avtomobillarga texnik xizmat ko‘rsatish yo‘nalishidagi amaliy topshiriqlarni bajarib, o‘z bilim va ko‘nikmalarini namoyish etadilar.
Tadbirda Kasbiy ta’lim agentligi, Sanoat kooperatsiyasi va davlat xaridlari agentligi, “O‘zAvtosanoat” AJ rahbariyati, ekspertlar, OAV vakillari hamda respublikaning turli hududlaridan kelgan tanlov ishtirokchilari qatnashmoqda.
🤝 Tanlovning ochilish marosimi doirasida Kasbiy ta’lim agentligi hamda Sanoat kooperatsiyasi va davlat xaridlari agentligi o‘rtasida kasbiy ta’lim va sanoat uchun malakali mutaxassislar tayyorlash yo‘nalishidagi hamkorlik memorandumini imzolash marosimi bo‘lib o‘tdi.
Ikki kun davomida ishtirokchilar avtomobillarga texnik xizmat ko‘rsatish bo‘yicha amaliy topshiriqlarni bajarib, o‘z kasbiy mahorati, zamonaviy texnologiyalar bilan ishlash ko‘nikmalari va amaliy tajribalarini namoyish etadilar.
🏆 Tanlov yakunida eng yuqori natijalarni qayd etgan ishtirokchilar g‘olib va sovrindorlar sifatida taqdirlanadi.
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin