Муфтии мусалмонони Тоҷикистон: "Худкушӣ оғози мушкилоти инсон аст"

Аксари ҳолатҳои худкушии духтарони ҷавон дар Тоҷикистон ба ҷанҷолҳои оилавӣ, хушунати хонаводагӣ, нофаҳмӣ бо шавҳар ё хушдоман ва ҷудошавии оилаҳо рабт дорад.

Барои пешгирии ин бадбахтиҳо ва коҳиш додани сатҳи талоқ, муфтии Тоҷикистон пешниҳод намуд, ки барои ҷавонон курси махсуси омодагӣ ба ҳаёти оилавӣ ташкил карда шавад.

Муфтии Тоҷикистон Саидмукаррам Абдулкодирзода изҳор дошт, ки ҷавонон бояд пеш аз издивоҷ на танҳо риояи меъёрҳои динӣ, балки паҳлуҳои психологӣ, сосиологӣ ва ҳуқуқиву инсонии муносибатҳоро омӯзанд, то таҳаммулпазир бошанд ва дар аввалин мушкилӣ даст ба худкушӣ ё талоқ назананд.

📱 Обуна шавед — Ҳамдастӣ
📱Ба Тик Токи мо обуна шавед