Globus24 | Расмий канал

Зеленский Буюк Британияга борди

Украина Президенти Владимир Зеленский Буюк Британияга ташриф буюрган. Ташриф доирасида унинг қирол Чарлз ИИИ билан учрашуви ҳамда бош вазир Энди Бернем билан музокаралари режалаштирилган.

Зеленскийнинг таъкидлашича, бўлажак музокаралар хавфсизлик масалаларининг кенг доирасига бағишланиб, Украинанинг мудофаа салоҳиятини кучайтиришга қаратилган янги қарорларни тайёрлашга қаратилади.

👉Каналга уланиш👈

Ўзбекистон Президенти Озарбайжонга жўнаб кетди

Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан 14 октябрь куни амалий ташриф билан Боку шаҳрига жўнаб кетди.

Давлатимиз раҳбари Осиёда ҳамкорлик ва ишонч чоралари бўйича кенгашнинг еттинчи саммитида иштирок этади.

Хорижий делегациялар раҳбарлари билан қатор учрашув ва музокаралар ўтказилиши ҳам кўзда тутилган.

👉Каналга уланиш👈

Ўзбекистонда ноёб кўршапалак тури аниқланди

Фанлар академияси Зоология институти ва хорижлик олимлар «Жанубий Устюрт» миллий табиат боғида Туркман узунқулоқ кўршапалаги (Plecotus turkmenicus)ни аниқлади.

Таъкидланишича, бу тур Ўзбекистон ҳудудида илк бор қайд этилмоқда.

Эътиборлиси, ушбу ноёб кўршапалак ҳақидаги маълумотлар асосан 1970 йилгача бўлган илмий қайдлар ва музей намуналарига асосланган. Сўнгги 55 йил давомида у табиатда деярли учрамаган.

“Кашфиёт халқаро илмий экспедиция давомида амалга оширилди”, – деб ёзмоқда ЎзФА расмий канали.

👉Каналга уланиш👈

Президентининг “Транспорт-логистика тизимини ривожлантиришга доир қўшимча чора-тадбирлар тўғрисида”ги қарори (ПҚ–368-сон, 12.10.2026 й.) қабул қилинди.

Қарорга кўра:
- Транспорт-логистика марказлари реестрига киритилган марказлар учун 2029 йил 1 августгача ишлаб чиқарилмайдиган омборхона ускуналари, юк ортиш-тушириш техникаси, агрегатлар ва эхтиёт қисмлар божхона божидан ва мажбурий сертификатлашдан озод қилинади;

- 2026 йил 1 ноябрдан халқаро курьерлик жўнатмаларини божхона расмийлаштирувидан ўтказганлик учун амалдаги божхона йиғими ставкаси 20 фоизга пасайтирилади.

- 2027 йил 31 декабргача M₂, M₃, N тоифадаги транспорт воситалари ишлаб чиқарувчи корхоналар республикада ишлаб чиқарилмайдиган компонентларни божхона божи тўлашсиз импорт қилиши мумкин.

👉Каналга уланиш👈

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi.

Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi.

Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi.

Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart.

—

Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах.

Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений.

Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет.

Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.

Патагонияда 300 дан ортиқ кит боласи нобуд бўлди: олимлар сабабини аниқлашга уринмоқда

Аргентина жанубидаги Патагония соҳилларида 2026 йил июнь ойидан бери 300 дан ортиқ жанубий сардин китининг боласи нобуд бўлди. Бу тур учун қайд этилган энг йирик оммавий нобуд бўлиш ҳолатларидан бири ҳисобланади.

Лаборатория таҳлилларида нобуд бўлган китларда бактерия аниқланди. У оғир инфекцияни келтириб чиқариши ва ҳаётий муҳим аъзоларга зарар етказиши мумкин.

Дастлабки тахминга кўра, денгиз чайкалари кит болаларининг терисини чўқиб жароҳатлаб, бактериянинг организмга киришига сабаб бўлиши мумкин. Бироқ бу тахмин ҳали тўлиқ тасдиқланмаган.

Мутахассислар оммавий нобуд бўлишга сув ҳарорати ва таркибидаги ўзгаришлар, озуқа етишмаслиги ёки бактериянинг янги, кучлироқ штамми пайдо бўлиши ҳам таъсирини ҳам ўрганмоқда.

Ҳозир ҳолат бутун китлар популяциясига қандай таъсир қилиши аниқ эмас. Шунингдек, бактерия одамларга юқмаслиги учун нобуд бўлган китлар жасадига тегмаслик тавсия этилган.

👉Каналга уланиш👈

Ота-онани ёлғиз қолдиришнинг иқтисодий бадали:
Нега ўзбек оиласидаги «уч авлод бирдамлиги» дунёдаги энг мукаммал ижтимоий ҳимоя модели ҳисобланади?

Замонавий урбанизация ва Ғарб индивидуализми таъсирида кўпинча «ёш оила ота-онадан алоҳида яшаши керак, ҳар бир авлод ўз кунини ўзи кўргани маъқул» деган қараш тарғиб қилинади. Аммо асрлар давомида Шарқ маданиятининг устуни бўлган «кекса ота-она хизматини қилиш» анъанасидан воз кечган ривожланган Осиё давлатлари бугун қандай иқтисодий ва инсоний оқибатга дуч келмоқда? 2026 йил кузида Жанубий Корея ва Япония илмий марказлари эълон қилган иккита йирик тадқиқот оилавий бирдамликнинг йўқолиши қандай фожиага олиб келишини рақамларда кўрсатиб берди.

Биринчи далил (Корея мисоли — ёлғизлик қашшоқлиги): Корея соғлиқни сақлаш ва ижтимоий масалалар институти (KIHASA) ҳисоботига кўра, оилаларнинг майдалашиб, кекса ота-оналарнинг алоҳида яшашга ўтиши мамлакатдаги камбағаллик қиёфасини буткул ўзгартириб юборди. 2016–2024 йиллар оралиғида кам таъминланганлар ичида ёлғиз яшовчи хонадонлар улуши 20,5 фоиздан 36,9 фоизга сакради. Оқибатда бугунги кунда Кореядаги жами камбағал аҳолининг қарийб 30 фоизини (ҳар 10 нафардан 3 нафарини) 75 ёшдан ошган қариялар ташкил этмоқда. Энг ачинарли рақам: фарзандларидан узилиб, ёлғиз қолган 75 ёшдан катта камбағал кексаларнинг 15,6 фоизи (2016 йилда 4,7 фоиз эди) кун кўриш учун оғир кунбай ва вақтинчалик ишларда ишлашга мажбур бўлмоқда.

Иккинчи далил (Япония мисоли — атомлашган оиланинг ожизлиги): Япониянинг RIETI институти томонидан эълон қилинган 14 йиллик панель тадқиқоти эса масаланинг иккинчи томонини очди. Кичик (нуклеар) оилада яшовчи фарзанд кекса ота-онаси бетоб бўлиб қолганда, ёрдамлашадиган катта оила таянчи бўлмагани сабабли ишини бутунлай ташлашга мажбур бўлади ва хонадон даромади 4 йил давомида тикланмайдиган инқирозга учрайди. Яъни оила майдалашгани сари, ҳаёт синовлари қаршисида ҳам ота-она, ҳам фарзанд молиявий ва руҳий жиҳатдан ҳимоясиз қолади.

Буни томирлари бир-бирига туташган чинор дарахтига қиёслаш мумкин: бир илдиздан сув ичадиган ва шохлари бир-бирини шамолдан тўсадиган дарахтлар бўронда синмайди. Аммо ҳар бир новдани алоҳида вазага кўчириб қўйсангиз, биринчи совуқ шамолдаёқ энг кекса шохлар қурий бошлайди.

🇺🇿 Бизнинг миллий қадриятларимизда ота-онани эъзозлаш, уларнинг дуосини олиш ва кексаликда ёлғиз қолдирмаслик ҳар қандай моддий манфаатдан устун қўйилади. Юқоридаги эконометрик тадқиқотлар шуни исботлайдики, ўзбек жамиятидаги «катта хонадон» ва авлодлар ўртасидаги ўзаро масъулият институти — шунчаки чиройли урф-одат эмас, балки кексаларни қашшоқликдан, ёш оилаларни эса иқтисодий шоклардан асровчи бебаҳо ижтимоий капиталдир.
Демак, уй-жой сиёсати, шаҳарсозлик ва ижтимоий ислоҳотларни режалаштиришда кўп авлодли оилаларнинг бирга ёки ёнма-ён яшашини қўллаб-қувватлаш (масалан, кекса ота-онаси билан бирга яшовчи оилалар учун ипотека ва солиқ имтиёзларини кенгайтириш) мамлакатни келажакдаги миллиардлаб долларлик ижтимоий таназзулдан асраб қолади.

🔗 Манбалар: KIHASA (Корея), Issue & Focus №474, 21.09.2026 — «빈곤층의 고령화 추세 뚜렷»; RIETI (Япония), Discussion Paper №26-J-039, 10.2026 — «家計の所得変動と所得源泉別の要因分解»

Айтишларича, Фарғона вилояти ҳокими Хайрулла Бозоровнинг кенжа фарзанди орзуси Криштиану Роналду билан кўришиш бўлган экан

Болакай битта суратга тушиб, орзусини амалга ошириш учун «Нефтчи» футбол клуби билан Саудияга борибди.

Сурат очиқ манбадан, яъни ҳокимнинг қизи Инстаграм саҳифасидан олинган. Сурат тармоқда тарқалганидан сўнг, ушбу сторис ўчириб ташлангани айтилмоқда.

Манба: insideruzbek

👉Каналга уланиш👈

Шунча ташвиш камлик қилгандай энди бу хабар: COVID-19 касаллиги миядаги дофамин тизимига таъсир қилган бўлиши мумкин

Тадқиқотларга кўра, COVID-19 дан кейин миянинг мотивация, хотира ва ҳиссий ҳолат билан боғлиқ тизимларида ўзгаришлар кузатилиши мумкин. Хусусан, дофамин билан боғлиқ нерв учлари зичлигининг камайиши аниқланган.

Дофамин инсоннинг рағбати, ҳаракатга ундаши ва мукофот ҳиссини шакллантиришда иштирок этади. Шу сабабли бу тизимдаги ўзгаришлар айрим беморларда кайфият ва диққат билан боғлиқ муаммоларга алоқадор бўлиши мумкин.

Тадқиқотда узоқ давом этувчи COVID-19 аломатлари бўлган 24 нафар беморнинг мияси 24 нафар соғлом иштирокчиники билан таққосланган. Беморларда дофамин ажратувчи нерв учлари зичлигини кўрсатувчи белги 16–20 фоизга паст бўлган. Бу дастлабки натижа бўлиб, вирус дофамин рецепторларини «куйдириб юбориши» ёки ўзгаришлар қайтмаслигини ҳозирча исботламайди.

👉Каналга уланиш👈

«Отпуска»га чиқмаса, куйиб кетадими?

Меҳнат ҳуқуқларини билиш доим фойдали

Айрим ходимлар иш кўплиги ёки бошқа сабабларга кўра йиллик меҳнат таътилига чиқишни кечиктиради. Баъзилар эса фойдаланилмаган таътил кунлари маълум муддатдан кейин куйиб кетади, деб ўйлайди. Аммо йиллик меҳнат таътилидан фойдаланилмагани ходимнинг ушбу ҳуқуқи автоматик равишда йўқолишини англатмайди.

Ўзбекистон меҳнат қонунчилигига кўра, ходим йиллик меҳнат таътили олиш ҳуқуқига эга. Таътилдан фойдаланиш тартиби меҳнат қонунчилиги ва иш берувчи тасдиқлаган таътиллар жадвали асосида белгиланади.

👉Каналга уланиш👈

Шўртанда янги газконденсат кони топилди

Қашқадарё вилоятининг Ғузор туманидаги Шўртан ҳудудида "Бўрисой" номли янги газконденсат кони аниқланди.

5 августда бошланган бурғилаш ишлари давомида 2 842–3 001 метр чуқурликдаги қатламлардан суткасига 300–400 минг куб метр газ оқими олинган.

Синовлар якунлангач, 15 октябрдан газни қайта ишлаш ва истеъмолчиларга етказиш жараёни бошланади.

Мутахассисларга кўра, йил охиригача бу ерда иккинчи излов қудуғини ҳам бурғилаш режалаштирилган.

👉Каналга уланиш👈

Қабоҳатнинг турфа шакллари бор. Улардан бири мана шу лавҳада акс этган

Фаластиннинг Ғарбий Соҳил ҳудудида Исроил ҳарбий кучлари техникалар ёрдамида маҳаллий аҳолига тегишли кўп йиллик зейтун дарахтларини илдизи билан қўпориб ташламоқда. Мазкур ҳолат минтақадаги вазиятни янада кескинлаштирмоқда.

👉Каналга уланиш👈

Шундоқ эмиш😢

👉Каналга уланиш👈

Замонавий "тадбиркор"лар

👉Каналга уланиш👈

Суюлтирилган газ учун эҳтиёжманд оилаларга компенсация тўлаш таклиф этилмоқда

Лойиҳага кўра, 1 ноябрдан аҳолига сотиладиган суюлтирилган газ нархини бир килограмм учун 5 минг сўм этиб белгилаш таклиф қилинмоқда.

Бунда эҳтиёжманд оилаларга 2030 йил 1 январга қадар ойига 20 кг гача суюлтирилган газнинг ҳар бир килограмми учун 3 минг сўмдан компенсация тўлаш назарда тутилмоқда.

👉Каналга уланиш👈