G'iyosiddin Yusuf

Эркин Малик устознинг ғайратларига, қувватларига қойил қолганман.

Мисрга биргаликда сафар қилганимизда биз ёшларни бу борада уялтирганлар.

Яна бир шундай сафар бўлса, албатта, домла билан борган бўлар эдим.

#Сафар

@GiyosiddinYusuf

Басранинг машҳур муҳаддисларидан бирининг қизи бўлган Асмо бинти Асад ниҳоятда кучли тақвоси билан эл оғзига тушганди. У ота-онасининг ҳузурида ўзини қандай тутиш борасида ҳатто катта шайхларга ҳам ўрнак бўла оларди. У отаси китоб мутолаа қилаётган хонанинг деразаси олдидан ҳеч қачон ўтмасди; чунки унинг сояси отасининг китоби устига тушиб, мутолаага халақит беришидан қўрқарди.

Бир куни отаси узоқ вақт китоб ёзиб, чарчаб ухлаб қолди. Хона жуда дим эди. Асмо қўлига палма баргидан ясалган елпиғични олиб, отасининг ёнига келди. Аммо у елпиғични қаттиқ силкитмади, балки секин, гўёки табиий шабада эсаётгандек, бир маромда уч соат давомида елпиб турди.

Ота уйғонганида, тепасида қўли толиқиб, ранги оқариб кетган, аммо жимгина елпиб турган қизини кўрди:
— Эй Асмо, қанчадан бери бу ерда турибсан? Қўлинг толиб кетмадими?
Асмо бошини қуйи солиб, шивирлади:
— Отажон, сиз бутун уммат учун фойдали китоблар ёзиб чарчадингиз. Сизнинг бир соатлик тинч уйқунгиз мен учун минг кунлик бедорликдан афзалдир.

Ота қизининг юзига боқиб, ихлос билан дуо қилди ва бу оиладан кейинчалик яна бир неча авлод буюк уламолар етишиб чиқди.

#ОтаОна

@GiyosiddinYusuf

Устоз ва мураббийлар куни билан барча устозларни табриклайман! Илмингиз зиёда, мартабангиз улуғ бўлсин!

Бизни устоз деганларни эса бугун 15:30 дан 17:00 гача “Қамар” китоблар дўконининг Сеул Мун филиалида кутаман! Қани, даъвонгиз қанчалар ҳақ экан. )

@GiyosiddinYusuf

Bayram uchun maxsus mehmonlarimizdan kitob tavsiyalari 📚

😉 Bunday imkoniyat har doim ham bo‘lavermaydi!

🎉 1-oktyabr — O‘qituvchi va murabbiylar kuni munosabati bilan “Qamar” doʻkonlarida maxsus mehmonlarimiz sotuvchi-konsultant sifatida kitobxonlarga kitob tavsiya qilishadi.

✅ Seoul Mun filialimizda 15:30 — 17:00 oralig‘ida yozuvchi G‘iyosiddin Yusuf tavsiyalarini olishingiz mumkin.

✅ Chorsu filialimizda esa 15:30 — 17:00 oralig‘ida muharrir Muhammad Temur A’zam bayram uchun tavsiyalarini kitobxonlar bilan bo‘lishadi.

Do‘konlarimizda sizni kutamiz!

📌 Manzillar:
• Alisher Navoiy 42. Mo‘ljal: Chorsu, Sobiq Gum ro‘parasi.
• Seoul Mun koʻngilochar savdo markazi, 1-qavat. Moʻljal: "Ayla tantuni" yonida.

@qamarbooks

Яқинда бир дўстимиз менга яхши бир канални тавсия қилди, кузатиб боряпман, менга ёқди. Эшитишимча, катта устозлар ҳам шу канални кузатар эканлар.

Тавсия қиламан: @bola_tarbiyala

Бухоро вилоятидаги “Билол” мактабида тарбия ва китобхонлик масалалари бўйича суҳбатлар қиляпмиз, дарслар ўтяпмиз.

Ўсмирлар очилиб гаплашиши бироз қийин. Суҳбатдан сўнг: “Саволлар бўлса, марҳамат”, – десам, кўпчилик жим. Бир-икки савол-жавобдан кейин яна бир-биримизга қараб қолдик.

Сўнг бир бола: “Ойига неча пул топасиз?” — деб қолди. Ҳамма ҳайрон, баъзи синфдошлари болани айблагандек бўлди. Мен эса вазиятдан фойдаландим.

Очиғи, ёзувчилар фақат адабиёт китобларда қолиб кетмаган, фақат ўлгандан кейин эъзозланадиган бўлишини истамайман. Ёзувчилик тажрибаларимни ўртоқлашишни, улар ҳам фақир, ғариб эмас, яхши яшашини кўрсатишни истайман. Токи болаларимиз ёзувчи бўламан деб орзу қилсин, интилсин.

— Сизларнинг ойлик тўловларингиз қанча? – дедим.
Айтилди. Мен ҳам энг кўп пул топган ойларимдан келиб чиқиб:
— Сизлардек йигирма нафар болани ўқитишга етадиган пул топаман, – дедим.

Ана ғала-ғовур бошланди ва кетма-кет ёзувчилик бўйича саволлар берилди…

Дарвоқе, “Билол” мактабида нархлар арзон экан-да!

@GiyosiddinYusuf

📚 «Hilol-Nashr» 15 ёшда!

🎙 Ғиёсиддин Юсуфдан табрик

🎉 10 октябр куни соат 14:00 да «Hilol-Nashr»нинг 15 йиллигини «Dream Park» хиёбонида нишонлаймиз

@hilolnashr

@hilolnashr

Китоб ёзишдан олдин ижтимоий тармоқда ёзинг!

Бу тавсияни кўп айтаман ва бугун яна такрорлашни истадим. Чунки бунда сиз ўзингиз учун ўқувчи ҳам йиғасиз.

Китоблар чоп қиламиз, аммо муаллиф таниқли бўлмагани сабабли кенг тарқалмаяпти.

Телеграм блог, фейсбук, инстаграм каби ижтимоий тармоқларда фаол бўлинг: мутахассислигингиз, бироз шахсий ҳаёт ва ижодингизни ёритиб боринг.

Бу билан ёзиш малакангиз ошиши билан бирга, янги китобларингиз нашр қилинганда тайёр ўқувчилар йиғилган бўлади.

#Ижод #тавсия

@GiyosiddinYusuf

Бола уй ишларида қарашдими, боғчада чиройли расм чизиб келдими, бувисини хурсанд қилиш учун ўз қўли билан чиройли совға ясадими ёки янги ўйинчоғини ака-укасига илиндими — буларнинг бари эътиборга лойиқ катта ишлар. «Раҳмат» ва «илтимос» дейишни ўрганганининг ўзи ҳам кичик ютуқ эмас.

Шунақа пайтларда боланинг ҳаракатини кўринг, уни бағрингизга босинг, жуда яхши иш қилганини эътироф этинг ва уни яхши кўришингизни айтинг.

Агар ота-она боланинг арзимас хатосини ҳам кўздан қочирмай тергаса-ю, аммо қилган яхши амалларини, тиришқоқлигини кўрмасликка олиб «ўзи шундай бўлиши керак» деб қараса, боланинг ичида бир синиқлик пайдо бўлади. У ўзини доим айбдор, яхши кўрилмаган ва ноқобилдек ҳис қилиб яшай бошлайди. Оқибатда ўзига ишончи сўниб, улғайганда ҳам ўз қадрини билмайдиган одамга айланади.

Бола хато қилгандагина эмас, яхши иш қилганида ҳам эътиборимизни сезсин.

#Тарбия

@GiyosiddinYusuf

Болага чегара қўйиш ва ниманидир тушунтиришда гапни аниқ айтиб, унинг ўзига ҳаракат қилиши учун озроқ вақт бериш керак.

Биз кўпинча битта гапни қайта-қайта айтаверамиз. Бу аввало ўзимизнинг ғашимизни келтиради, асабимизни бузади. Қолаверса, такрорланаверган гапдан бола ҳам безиб қолади, натижада айтганингизни умуман эшитмай қўяди. Боланинг бир ҳолатдан иккинчи ҳолатга ўтиши, диққатини йўналтириши катталарникидек тез эмас, унга бироз вақт ва сабр керак.

Масалан, болага устидаги ҳўл кийимини ечишни айтдингизми, бир зум кутинг. Ўзи ҳаракат қилиб ечишига қўйиб беринг. Шошиб, дарров ўзингиз ёпишиб уни ечишга тушманг, мустақиллигига халақит берманг.

Энг муҳими, талабни қандай етказаётганимизга ҳам эътибор бериш керак.

Болага «Ҳалиям ҳўл кийимда юрибсанми?!» деб таъна қилишдан кўра, аниқ ва тушунарли қилиб: «Илтимос, хонага киришдан олдин ҳўл кийимингни ечгин», дейилса, у мақсадни тезроқ тушунади ва осонроқ бажаради.

#Тарбия #таржима

@GiyosiddinYusuf

Болани қўрқитиб йўлга солиш — тарбиянинг энг осон, аммо энг зарарли йўлларидан бири.

Одатда одам болага ўз гапини қандай тушунтиришни билмай қолганда, вазиятни бошқара олмаганда ва ютқазиб қўйишдан қўрққанда шу усулга ўтади. Ультиматум қўйиш, пўписа қилиш, «айтганимни қилмасанг, фалон нарсадан қуруқ қоласан» деб шантажга ўтиш — бари қўрқув воситасида бошқариш истагидир.

Катталарнинг назарида бу иш бергандек: бола дарров итоат қилади, тинчийди, ишни бажаради. Аммо бу мунтазам такрорланса, унда бир тушунча пайдо бўлади: «Мен нима қилсам ҳам хато қиламан, барибир эплай олмайман».

Бундай муҳитда ўсган одам улғайганда ҳам ҳаётини ўзгаларнинг кўнглига қарашга, доим кимгадир «қулай ва маъқул» бўлишга сарфлайди. Жазоланишдан қўрқиб яшайди, бироз баҳсли вазият чиқдими, ўзини дарров мағлуб ҳис қилиб, қочишга шай туради.

Энг ёмони, «болага яхши бўлсин» деб қилинган бундай қўрқитишлар унинг фикрлашини, воқеаларнинг сабаб-оқибатини тўғри тушуниш қобилиятини бузади. Чунки у нима тўғри, нима нотўғрилигини онгли равишда англаб етмайди, фақат қўрқув сабаблигина тўхтайди.

#Тарбия

@GiyosiddinYusuf

📚 "BILOL"da TARBIYA KUNLARI
28–30-sentyabr | 08:30–16:30
Farzandimizga bilim beramiz. Uni qanday inson bo‘lib ulg‘ayishiga esa birgalikda mas’ulmiz. Ilm yo‘l ochadi, tarbiya esa shu yo‘ldan qanday yurishni o‘rgatadi.
Uch kun davomida tarbiya va kitobxonlik yo‘nalishi mutaxassisi, yozuvchi G‘iyosiddin Yusuf o‘quvchilar va ota-onalar bilan seminar-treninglar hamda amaliy mashg‘ulotlar o‘tkazadi.
Har kunlik dastur:
🔹 08:30–11:30 — Bilol Akademiya o‘quvchilari bilan mashg‘ulotlar
🔹 12:00–14:00 — Bilol School o‘quvchilari bilan seminar-trening
🔹 14:30–16:30 — ota-onalar bilan seminar-trening
Ota-onalar diqqatiga: uch kun davomida tashkil etiladigan 6 ta seminardan kamida bittasida ishtirok etish majburiy.
Tarbiya kunlarining maqsadi — o‘quvchi, maktab va ota-ona o‘rtasidagi hamkorlikni mustahkamlash; bolalarda odob-axloq, kitobga mehr va mas’uliyatni shakllantirish. Biz faqat bilimli emas, komil inson bo‘lib ulg‘ayadigan farzandlar tarbiyasi uchun birlashamiz.
Farzand tarbiyasida eng kuchli natija — maktab va ota-ona bir yo‘nalishda harakat qilganda yuzaga keladi.
@bilolschool
@bilol_akademiya
@GiyosiddinYusuf

Уйда ҳамма ишни ўзи бошқарадиган, болаларини қадам-бақадам назорат қилиб турадиган аёллар бор.

Бундай оналар боласининг келажагини ўйлайди, албатта. Ҳеч кимдан кам бўлмасин, энг зўри бўлсин дейди. Аммо талабни шунчалик ошириб юборишадики, бола нима қилса ҳам онанинг кўнгли тўлмайди. Тўққизта ишни қойиллатса, она ўнинчи камчиликни топиб беради.

Бироз нотўғри иш қилиб қўйса, дарров жазолашга ўтади, «айбини тушунсин» деб бақиради, бир кунда ўн марталаб «неча бор айтишим керак сенга?!» деб асабийлашади ёки сал нарсага шапалоқ тушириб қолади...

Бу билан муаммо ўша онда ҳал бўлгандек кўринади. Бола қўрқувдан итоат қилади, айтганни қилади. Лекин бу тарбия эмас, вақтинчалик чора, холос. Калтакнинг оғриғи кетар, аммо ерга урилган қадр-қиммат, қўрқув ва ўзига бўлган ишончсизлик бола билан бирга улғайиб боради.

Аслида, болани қўрқитмасдан, кўнглига ҳам, танасига ҳам озор етказмасдан яхши инсон қилиб вояга етказиш керак.

#Тарбия

@GiyosiddinYusuf

Rayhona serebral falaj (DSP) tashxisi bilan yashaydi. Uch yoshigacha yura olmagan. Davolanishlardan keyin yurgan.

Ammo 7-sinfdan keyin og‘riqlar boshlanib, harakatlari tobora cheklandi. 8-sinfdan keyin yana yurolmay qoldi. So‘nggi uch yilda qo‘l-oyoqlarida qaltirash ham paydo bo‘ldi.

Bugun Rayhona mustaqil yonboshlay olmaydi, oyoqlarini ham to‘g‘rilay olmaydi. Har bir harakatida yaqinlarining yordamiga muhtoj.

Rayhona davolanishi uchun yordam kerak.

Kimning imkoniyati bo‘lsa, xayriya qiling. Imkoni yo‘qlardan postni tarqatib qo‘yishlarini so‘raymiz.

5614 6828 1920 2088
5614 6828 1889 9801
9860060922269398

Kartalar Shofayziyeva Mohira (onasi)ning nomida.

#xayriya

Бир китобнинг рекламасида ундаги оила ҳақидаги бир ҳадисни ўқиб, китобни харид қилишга чорлашганини кўрдим. Бу жуда юзаки ёндашилган рекламадир.

Воқеа тахминан бундай бўлган: тарғиботчи китобни бироз варақлаб, таъсирли жойини излаган. Албатта, ҳадис қалин ёзувда ёки алоҳида ажратиб ёзилган. Шунинг учун эътиборини тортган ва “Оҳ! Зўр гап экан!” деган ўй миясида чақнаган.

Аслида, бир китобни реклама — тарғиб қилганда, уни ўқишга ундаганда нега айнан шу китобни ўқиш кераклигини очиб бериш керак. Унинг бошқа китобларда йўқ жиҳатини айтиш керак.

Юқоридаги мисолда айтилган ҳадис ҳадис китобларида ҳам, оила ҳақидаги китобларда ҳам келган. Демак, уни ўқиб бериш билан бу китобни ўқишга ундашингиз хато.

Масалан, “Бош оғриғини қолдиради” деб реклама қилишса, нега мен цитрамон эмас, тримол харид қилишим керак ёки акси? Ўша дорининг алоҳида хусусияти айтилса, шунда мен айнан уни харид қиламан. Китоб ҳам шундай.

Буни букблогерларга юбориб қўярсиз.

#китоб

@GiyosiddinYusuf

📣 «Аллоҳ йўлида дўстлашишни хоҳлайсизми?» китоби тақдимотига марҳабо

✨ «Китобхонлик мактаби» лойиҳасининг 232-сонида Абдусаттор Икромнинг «Аллоҳ йўлида дўстлашишни хоҳлайсизми?» китоби ҳақида суҳбат бўлиб ўтади.

✔️ Тадбирга китоб муаллифи Абдусаттор Икром меҳмон бўладилар.

Тақдимот 22 сентябр куни 14:00 да «Hilol-Nashr» нашриётининг суҳбатгоҳида бошланади.

Марҳамат, китоб тақдимотига ташриф буюринг. 😊

📍 «Hilol-Nashr» бош дўкони

19 сентябр куни соат 15:00 да Абдусаттор Икром билан ҳам «Дастхат куни» бўлиб ўтади.

@hilolnashr

Farzandingizning bolaligini tortib olmang! 🌱

🧸 Bolajoningizni qaysidir ishi uchun koyiyotganda o‘zingizni uning o‘rniga qo‘yib ko‘ring, goʻdaklik davringizni eslang.

G‘iyosiddin Yusufning “Siz ham bola bo‘lganmisiz?” kitobidan farzand tarbiyalashning nozik jihatlari, ota-onalarga muhim eslatmalar o‘rin olgan.

🩷 Mazkur kitob farzandlarining bolalik damlarini go‘zal lahzalar bilan bezashni istagan ota-onalarga ayni muddao!

• Muqovasi – yumshoq;
• Sahifa – 96 bet;
• Narxi – 22.000 soʻm.

🚗 Viloyatlar bo‘ylab pochta ofislarigacha yetkazib berish 15.000 so‘mdan.

• Xarid qilish uchun:
✍🏻 @qamar_delivery
+998712037004
+998998454400

📌 Manzillar:
• Alisher Navoiy 42. Mo‘ljal: Chorsu, Sobiq Gum ro‘parasi.
• Seoul Mun koʻngilochar savdo markazi, 1-qavat. Moʻljal: "Ayla tantuni" yonida.

@qamarbooks