🇪🇺🇨🇳 Европа Иттифоқи Хитойга қарши санкциялар масаласида чекинишга тайёрланмоқда

Европа Иттифоқи Хитойга қарши чекловлар ва муҳим технологик таъминот занжирларини сақлаб қолиш ўртасида қийин танловга дуч келмоқда.
Брюссель Россиянинг ҳарбий саноатига ёрдам берган бир қатор Хитой компанияларини санкциялар рўйхатига киритганидан кейин, Пекин ҳам Европа компанияларига қарши чоралар кўрган.

Улар орасида Германиянинг Sindlhauser Materials компанияси ҳам бор. Компания микроэлектроника учун юқори аниқликдаги ишлаб чиқариш ва махсус қопламалар билан шуғулланади ҳамда хомашё ва камёб металлар бўйича Хитой таъминотига катта даражада боғлиқ.
Bloomberg маълумотига кўра, компаниянинг фаолияти тўхташи Нидерландиянинг чип ишлаб чиқариш ускуналари гиганти ASML таъминот занжирига ҳам таъсир қилиши мумкин.

Шу сабабли Европа Иттифоқи муҳим таъминот занжирларида узилишларнинг олдини олиш учун Хитойга нисбатан айрим санкцияларни бекор қилиш имкониятини кўриб чиқмоқда.

@Geointriga_uz