Фарғона вилояти ҳудудида 129 нафар жиноят содир этишга мойил шахсларнинг яшаш манзилларида тезкор тадбирлар ўтказилди

Вилоят ИИБ ҳамда ДХХ ходимлари томонидан ҳамкорликдаги тадбирлар натижасида 104 нафар шахс томонидан ноқонуний буюм ва ашёлар сақлаб келинаётганлиги аниқланди.

Улардан 53 нафарининг хатти-ҳаракатларида жиноят таркиби, 52 нафарининг ҳаракатларида эса маъмурий ҳуқуқбузарлик аниқланиб, тегишли ҳужжатлар расмийлаштирилди.

Тезкор тадбирлар натижасида 15 та совуқ қурол, 7 килограмм 673 грамм гиёҳвандлик воситалари, 65 туп гиёҳвандлик ўсимлиги, 2 дона пневматик қурол, 1 дона ов милтиғи стволи, 527 дона гильза ва бошқа буюмлар далилий ашё сифатида олинди.

Шунингдек, 5 нафар қидирувдаги шахс ушланди. 2 та ҳолатда ноқонуний онлай диний таълим бериш билан боғлиқ жиноят фош қилинди.

Фарғона вилояти ИИБ Ахборот хизмати

Каналга уланиш  👉 fviib.uz

🔹Websаyt | 🔹Telegram |🔹Facebook |🔹Instagram