Фарғона шаҳридаги деҳқон бозорида вилоят Озиқ-овқат маҳсулотлари хавфсизлиги бош бошқармаси ҳамда ички ишлар органлари ҳамкорлигида навбатдаги назорат тадбири ўтказилди.
Тадбир давомида савдо фаолияти билан шуғулланувчи тадбиркорлик субъектларида озиқ-овқат маҳсулотларини сақлаш, ташиш ва реализация қилиш шартлари, шунингдек, маҳсулотларнинг сифати ва хавфсизлигига қўйиладиган талаблар ўрганилди.
Хусусан, гўшт ва гўшт маҳсулотлари, тухум, парранда гўшти ҳамда турли тузламаларнинг хавфсизлиги ва яроқлилик ҳолатига алоҳида эътибор қаратилди.
Маҳсулотларнинг хавфсизлик кўрсаткичларини аниқлаш мақсадида намуналар олиниб, лаборатория текширувлари ўтказилмоқда.
Назорат давомида истеъмол учун яроқсиз деб топилган айрим озиқ-овқат маҳсулотлари савдодан четлатилди.