Фарғона вилояти ИИБ ҳузуридаги Қўриқлаш хизмати бошлиғи бошчилигида тизим ходимлари ҳамда жисмоний ва юридик шахслар учун навбатдаги сайёр қабул ўтказилди.
Қабул жараёнида фуқаролар томонидан асосан хонадонлар ва тижорат объектларини қўриққа олиш, ишга жойлашиш ҳамда ижтимоий ҳимоя масалалари бўйича мурожаатлар билдирилди. Ҳар бир мурожаат юзасидан тегишли ҳуқуқий тушунтиришлар берилиб, айрим масалалар жойида ҳал этилди.
Қабул давомида фуқароларнинг мурожаатлари атрофлича тингланиб, жами 15 та мурожаат қабул қилинди. Уларнинг 11 таси жойида ижобий ҳал этилди. Қолган 4 та мурожаат юзасидан қўшимча ўрганиш олиб бориш ҳамда қонуний тартибда ҳал этиш мақсадида масъул ходимларга алоҳида топшириқлар берилди.