Fargʻona IIB | Rasmiy kanal

Фурқат тумани Чиркай МФЙ ҳудудида жойлашган техникумда “Пайшанба — ёшлар куни” муносабати билан ёшлар билан учрашув ташкил этилди.
Мазкур учрашувда Фурқат тумани ИИБ бошлиғи, туман ҳокими, туман прокурори ҳамда масъул ходимлар иштирок этдилар.
Тадбирнинг асосий мақсади олий таълим муассасаларини тамомлаган ёшларнинг бандлигини таъминлаш, уларни мутахассислиги бўйича иш билан таъминлаш, меҳнат бозоридаги мавжуд имкониятлар тўғрисида маълумот бериш ҳамда ёшларнинг муаммоларини ўрганишдан иборат бўлди.
Учрашув давомида ёшлар билан очиқ ва самимий мулоқот ўтказилиб, уларнинг ишга жойлашиш, касбий фаолиятини йўлга қўйиш, қўшимча касб-ҳунар ўрганиш ҳамда тадбиркорлик фаолияти билан шуғулланиш борасидаги фикр ва таклифлари тингланди.
Шунингдек, ҳудуддаги мавжуд бўш иш ўринлари, ташкилот ва корхоналарда ёшлар учун яратилаётган имкониятлар ҳақида батафсил тушунтиришлар берилди.

Фарғона вилояти ИИБ ҳузуридаги Қўриқлаш хизмати раҳбари ташаббуси билан Фарғона Давлат университетида  ёшлар иштирокида “Раҳбар ва ёшлар” учрашуви ташкил этилди.

Учрашув давомида ёшлар билан очиқ мулоқот ўтказилиб, мамлакатимизда амалга оширилаётган ислоҳотлар, ёшларга яратилаётган кенг имкониятлар ҳамда уларни ҳар томонлама қўллаб-қувватлаш борасида олиб борилаётган ишлар ҳақида сўз юритилди. Шунингдек, ёшларни ватанпарварлик руҳида тарбиялаш, уларни жиноятчилик ва ҳуқуқбузарликлардан асраш, бўш вақтларини мазмунли ташкил этиш масалаларига алоҳида эътибор қаратилди.

Тадбир давомида Қўриқлаш хизмати фаолияти, унинг жамоат хавфсизлигини таъминлашдаги ўрни ҳамда хизматнинг афзалликлари ҳақида ҳам маълумотлар берилди. Ёшлар ўзларини қизиқтирган саволлар билан мурожаат қилиб, мутахассислардан атрофлича жавоблар олдилар.

Ўзбекистон Республикаси Президентининг 2026 йил 5 январдаги ПҚ-1-сонли қарорига асосан Қўқон шаҳар ҳудудида «Ижтимоий профилактика ҳафталиги» тадбирлари ўтказилмоқда.
Жумладан, тасдиқланган алоҳида режага асосан криминоген вазияти оғир бўлган Нурафшон маҳалласида Ички ишлар бўлими, Бандлик бўлими, Адлия бўлими, Тиббиёт бирлашмаси, «Инсон» ижтимоий хизматлар маркази, Мактабгача ва мактаб таълими бўлими, Иқтисодиёт ва молия бўлими, Ёшлар ишлари бўлими, Оила ва хотин-қизлар бўлими, тижорат банклари ҳамда масъул ташкилотлар иштирокида «Ижтимоий профилактика ҳафталиги» тадбири ўтказилди.
Тадбир давомида соғлиқни сақлаш муассасалари ҳисобида турувчи беморлар, муқаддам судланган, пробация назоратидаги, ишсиз, Камбағаллик реестрига киритилган ҳамда оталиққа олинган шахслар, шунингдек, низоли ва ажрим ёқасида турган оилалар ўрганилди.