Farg‘ona davlat texnika universiteti rasmiy kanali | Matbuot xizmati

#Qonunchilik_yangiliklari

Dual taʼlim shaklida tahsil olayotgan talabalar qoʻllab-quvvatlanadi

❇️Farmonga ko‘ra:

✔️dual taʼlim shaklida tahsil olayotgan Ijtimoiy reestrga kiritilgan talabalarga OTTning byudjetdan tashqari mablagʻlari hisobidan ijtimoiy stipendiya toʻlashga ruxsat beriladi;

✔️dual taʼlim shaklida tahsil olayotgan talabalarning ijara huquqi asosida yashashi bilan bogʻliq xarajatlarini qoplash taʼlimning kunduzgi shakli uchun belgilangan tartibda amalga oshiriladi;

✔️muhandislik ishi, ishlab chiqarish va ishlov berish, arxitektura va qurilish, qishloq xo‘jaligi ta’lim sohalari bo‘yicha dual ta’lim shaklida tahsil olayotgan talabalarga o‘qishini 2-kursdan boshlab davlat granti kvotalari doirasida davom ettirish imkoniyati yaratiladi. Bunda:

➖davlat granti kvotalari muayyan o‘quv yili uchun tegishli ta’lim sohalariga ajratilgan davlat buyurtmasi parametrlariga nisbatan qo‘shimcha 25 foiz miqdorida (vakant qolgan o‘rin va davlat granti asosidagi qo‘shimcha kvota hisobidan) belgilanadi;

➖davlat granti kvotalarini taqdim etish va qayta taqsimlash talabalarning tugallangan o‘quv yili yakuni bo‘yicha o‘zlashtirish (GPA) ko‘rsatkichi hamda buyurtmachi korxonaning baholash natijasiga ko‘ra amalga oshiriladi;

➖ Ijtimoiy reestrga kiritilgan oilalarning farzandlari uchun dual taʼlim shaklida o‘qish 1-kursdan boshlab butun o‘qish davrida Davlat byudjeti mablag‘lari hisobidan amalga oshiriladi;

➖davlat granti asosida tahsil olayotgan talabalarga stipendiya to‘lovlari kunduzgi taʼlim shakli uchun qonunchilik hujjatlarida belgilangan tartibda amalga oshiriladi;

✔️ talabaning dual taʼlim shaklida tahsil olgan davri uning umumiy mehnat stajini hisoblashda inobatga olinadi.

💼 Dual taʼlim shaklida taʼlim dasturining amaliy qismi natijadorligini oshirish maqsadida:

▫️korxonalarga o‘z mablag‘lari hisobidan hamkor taʼlim tashkilotlarida amaliyot bazalarini tashkil etishga;

▫️OTTlarga kadrlar tayyorlashni yo‘lga qo‘ygan korxonalar bilan to‘g‘ridan to‘g‘ri tuziladigan shartnomaga muvofiq tekin foydalanish huquqi asosida bo‘sh turgan bino-inshootlari va hududida kadrlar tayyorlash yo‘nalishlariga mos ishlab chiqarish yoki xizmat ko‘rsatish faoliyatini tashkil etishga;

▫️OTTlarga mehnat bozorida talab yuqori bo‘lgan sohalar bo‘yicha kasbga o‘rgatish kurslarini tashkil etishga ruxsat beriladi.

Facebook | Instagram | YouTube | Telegram

Janubiy Koreyaning “AHA” kompaniyasi Farg‘ona davlat texnika universitetining 11 nafar talabasiga grant ajratdi

Ta'lim muassasaga Janubiy Koreyaning “AHA” kompaniyasi rahbari Ku Gi Do tashrif buyurdi. Universitet rektori, professor Rustam Tojiyev bilan uchrashuvda ta’lim va ishlab chiqarish integratsiyasini rivojlantirish, talabalarni amaliyotga jalb etish hamda bandligini ta’minlash masalalari muhokama qilindi.

Uchrashuv davomida “AHA” kompaniyasi tomonidan FDTUning 11 nafar talabasi uchun grantlar ajratildi. Shuningdek, kompaniyaning Farg‘ona shahridagi Eko shahar hududida tashkil etilgan yangi korxonasida universitet talabalarini amaliyot va ish faoliyatiga jalb etish bo‘yicha kelishuvlarga erishildi.

Tomonlar kelgusida hamkorlikni yangi loyihalar bilan kengaytirishga kelishib oldilar.

Facebook | Instagram | YouTube | Telegram

#Tabrik

Aziz ustoz va murabbiylar!

✨Sizlarni 1-oktabr – Ustoz va murabbiylar kuni bilan chin qalbimdan muborakbod etaman!
Yosh avlodga bilim va tarbiya berishdek sharafli va mas’uliyatli faoliyatingizda doimo kuch-g‘ayrat, ilhom va ulkan zafarlar yor bo‘lsin.

Mehnatingiz qadrlanib, qalbingiz hamisha shogirdlaringiz yutuqlaridan quvonchga to‘lsin!

Hurmat bilan,
Farg‘ona davlat texnika universiteti rektori, professor Rustam Tojiyev

Kuzatishda davom eting

Telegram | Instagram | Facebook |Web sayt

#Ustoz_va_murabbiylar_bayrami

Farg‘ona davlat texnika universiteti professor-o‘qituvchilari uchun “Visol” tantanalar saroyida bayram dasturi tashkil etildi

🔹Tadbir avvalida Farg‘ona davlat texnika universiteti rektori, professor Rustam Tojiyev universitet professor-o‘qituvchilarini kasb bayrami bilan samimiy muborakbod etdi. Ustozlik kasbining jamiyat taraqqiyoti va yosh avlod kamolotidagi beqiyos o‘rniga alohida to‘xtalib, barcha pedagoglarga sharafli va mas’uliyatli faoliyatida muvaffaqiyatlar tiladi.

🖇️Shuningdek, bayram tadbirida Janubiy Koreyaning “AHA” kompaniyasi rahbari Ku Gi Do ham ishtirok etib, universitet professor-o‘qituvchilarini Ustoz va murabbiylar kuni bilan samimiy qutladi.

✨Bayram dasturi doirasida universitetning ta’lim va ilmiy faoliyatida samarali mehnat qilib kelayotgan professor-o‘qituvchilarni munosib taqdirlash marosimi ham o‘tkazildi. Jumladan, oliygohimizning 10 nafar professor-o‘qituvchisi Oliy ta’lim, fan va innovatsiyalar vazirligining “Oliy ta’lim a’lochisi” ko‘krak nishoni bilan taqdirlandi. Shuningdek, universitetimizning eng faol 14 nafar professor-o‘qituvchisiga Farg‘ona viloyati hokimining Faxriy yorliqlari tantanali ravishda topshirildi. Universitet rektori, professor Rustam Tojiyev taqdirlangan ustozlarni samimiy muborakbod etib, ularga esdalik sovg‘alarini topshirdi hamda kelgusidagi pedagogik va ilmiy faoliyatlarida yangi yutuqlar tiladi.

Bayram dasturi davomida xushovoz xonandalarning dilrabo taronalari yangrab, ustozlarga ko‘tarinki kayfiyat va unutilmas taassurotlar ulashdi.

Jarayondan fotolavhalar

Bizni kuzating
Telegram | Instagram | Facebook |Web sayt