ДзеЦікава

💙Палюбіць жыццё ці ўзняцца як фенікс.

Жыццё бывае непрадказальным і любіць падносіць сюрпрызы. Часам не вельміпрыемныя. У гераінь нашай гісторыі ўсё было адносна нядрэнна, пакуль лёс не падкінуў сур’ёзнае выпрабаванне – анкалогію.

Выбрацца з такой перадругі, не ўпасці духам і зарадзіць энергіяй іншых – той яшчэ квэст. Але, здаецца, нашым дзяўчатам гэта ўдаецца.

📌 Праект «Я люблю жыццё» існуе ў нашым горадзе з 2018 года. Ён створаны жанчынамі з анкалагічнымі захворваннямі для такіх жа жанчын. Пра вытокі ініцыятывы расказвае Наталля Юхта, з якой усё і пачалося.

– Гэта быў 2018 год. Мне паставілі дыягназ “рак малочнай залозы”. Аперацыя, хіміятэрапія, гарманальная тэрапія і абсалютнае неразуменне: а што далей? Думаю, з гэтым сутыкаюцца многія жанчыны, якім ставяць смяротны дыягназ. Жывешсваё шчаслівае, месцамі нервовае, але цалкам прадказальнае жыццё, і раптам усё пераварочваецца з ног на галаву, і ты не разумееш, як узаемадзейнічаць з гэтым светам далей. Мне падалося, што падтрымка людзей, якія прайшлі гэты ж шлях, была б вельмі карысная тым, хто толькі пачынае жыць у новай рэальнасці. Важна пачуцьрозныя гісторыі, якія не заўсёды сумныя, а часта заканчваюцца ўстойлівай рэмісіяй. Але ў Берасція нічога падобнага не знайшла. Затое ў інтэрнэце знайшлася інфармацыя пра расейскі праект «Я люблю жыццё». Так завязаліся першыя сацыяльныя сувязі. Я пазнаёмілася з Аксанай Андрэевай з Масквы і Ірынай Жыхар з Мінска, якія стваралі падобную супольнасць у сваіх гарадах.

📌 Чытаць далей…
———
Дзецікава – канал пра Берасце і берасцейцаў

🚤 Па Мухаўцы зноў можна пракаціцца на цеплаходзе

Сёння ў Берасці зноў запрашаюць на рачныя прагулкі. Пасадка – на прычале ў раёне Гарадскога сада (дзе вуліца Леніна ўпіраецца ў Мухавец).

⏰ Час: 14:30, 15:30, 16:30, 17:30, 18:30.
💰 Кошт: 10 рублёў – дарослы, 5 рублёў – дзіцячы (ад 5 да 10 гадоў). Да 5 гадоў – бясплатна.
Прагулка займае 30 хвілін.

☀️ Паспей пракаціцца ў гэтым годзе можна пакуль стаіць цёплае надвор'е.

———
Дзецікава – канал пра Берасце і берасцейцаў

Ваша Берасце ❤️

🖼аўтары здымкаў:
• anka.abramka
• chopanastasi
• leya.belaya
• mrs.amourrrr
• alenanichiporuk8
• marina_v.k
• shemetyuk_natasha

#dzecikava_берасцейскiвайб
———
Дзецікава – канал пра Берасце і берасцейцаў

🎭  Сэт «Маскарад»: ужо заўтра ў «Доме Кофе»

 Dom__coffee разам з тэатрам запускаюць лімітаваны сэт да спектакля «Маскарад», які пройдзе 4 кастрычніка а 19:00 у вялікай зале brestdramatheatre.

Дзве знакавыя п'есы сабраныя ў адным гастранамічным вобразе:

☕️ Глясэ
«Лёд і полымя» ў адным бакале: пякучая кава і ледзяное марозіва. Цёмная страсць Арбеніна і спакуслівы дэсерт.

🥮 Фінікі ў шакаладзе
Звонку – строгая, гладкая, застылая абалонка цёмнага шакаладу.

💰 Кошт сэта – 13 рублёў.

⏰ Толькі 3 дні: 3, 4 і 5 кастрычніка.

📍 Кавярня «Дом Кофе»

🎟️ Білеты на спектакль – у касе або на сайце bresttheatre.info.
———
Дзецікава – канал пра Берасце і берасцейцаў

🏃🏽🦮🏃🏻‍♀️🐕‍🦺 Дапамагу на бягу,
або як аб’ядналі спорт і дабрачыннасць.


Бярэсце цяжка назваць горадам бегу, але нейкі рух тут усё ж ёсць. А калі ёсць аматары цыклічных відаў спорту, значыць, будуць і ініцыятывы, якія аб’ядноўваюць людзей, звязаных з гэтым спортам.

Так з’явілася ідэя «Дапамагу на бягу», галоўнай мэтай якой было павялічыць суму ахвяраванняў для грамадскага аб’яднання дапамогі бяздомным жывёлам «Дабрыня».

— Усё пачалося з размоў, — расказвае галоўны ініцыятар акцыі Пётр Русакевіч. — Нашы бегаючыя дзяўчаты рэгулярна казалі пра тое, што трэба сабрацца і дапамагчы прытулку «Дабрыня». Мы патэлеванавалі ў прытулак, даведаліся, што ім неабходна на пастаяннай аснове, кожны жадаючы набыў нешта са спісу. Корм, сурвэткі, сродкі гігіены — усё гэта мы завезлі ў прытулак. І ўбачылі, што наша дапамога — кропля ў моры. У нас вельмі шмат бяздомных жывёл, якім трэба пастаянна чымсьці харчавацца, праводзіць медыцынскія маніпуляцыі, рабіць прышчэпкі. Ад убачанага дзяўчаты ўразіліся яшчэ больш, а я прыдумаў, як маштабаваць гэтую ідэю.

Паколькі гэтых людзей аб’ядноўвае бег, прапанавалі зусім простую ідэю: пасля прабежкі чалавек выкладвае трэк і чэк, які пацвярджае яго данат у прытулак «Дабрыня». Ну а каб добрая справа не загубілася па дарозе, трэба было адзначаць старонку «Яцкавіцкія прасторы» ў сацыяльных сетках і хэштэг #дапамагунабягу. У якасці заахвочвання ўдзельнікі атрымлівалі тэматычны медаль.

📌 Чытаць далей…
———
Дзецікава – канал пра Берасце і берасцейцаў

🦬 Беларусь на трэцім месцы па колькасці зуброў.

У Міжнародны дзень зубра, які адзначаўся 30 верасня, з'явілася свежая статыстыка.

🥉 Беларусь займае трэцяе месца ў свеце па колькасці гэтых жывёл.

Зараз у краіне налічваецца 2985 асобін. За год іх стала больш на 58 жывёл.

Наперадзе – Польшча (3491 зубр) і Расія (3408 асобін). Усяго ў свеце налічваецца 13 055 зуброў.

Дзе ў Беларусі больш за ўсё зуброў:
• Белавежская пушча – каля 800 асобін
• Асіповіцкі вопытны лясгас
• СВК «Азёры» ў Гродзенскім раёне
• паляўнічая гаспадарка «Красны Бор»
• Палескі дзяржаўны радыяцыйна-экалагічны запаведнік
• Налібоцкі заказнік
• Нацыянальны парк «Прыпяцкі»

———
Дзецікава – канал пра Берасце і берасцейцаў

☕️ 1 кастрычніка – Міжнародны дзень кавы.

Сёння ў свеце адзначаюць Міжнародны дзень кавы. Гэта свята з'явілася ў 2015 годзе па ініцыятыве Міжнароднай кававай арганізацыі і хутка стала папулярным у многіх краінах.

Яго мэта – не толькі ўшанаваць любімы напой, але і падтрымаць тых, хто вырошчвае каву, а таксама звярнуць увагу на ўмовы працы вытворцаў.

Для многіх гэта яшчэ і цёплая нагода сустрэцца з блізкімі. Кавярня rafinad якраз прапануе адзначыць свята разам.

Падрабязнасці:
Пры набыцці любога кававага напою – другі ў падарунак.

📌Дорыцца напой з найменшым коштам.

⏰Акцыя дзейнічае толькі сёння.

📍 вул. Савецкая, 17
📍 вул. Грыбаедава, 8б
📍 вул. 28 ліпеня, 37а
———
Дзецікава – канал пра Берасце і берасцейцаў

🎥🎺 Кiнэмо: калі нямое кіно зноў пачынае гаварыць

Тапёр – самая хутка зніклая і забытая прафесія. На пачатку ХХ стагоддзя музыкі дапаўнялі нямое кіно падчас сеансаў акампанементам на піяніна, а ўжо ў 1930-я гады з’явіўся гукавы кінематограф.

Некалькі гадоў таму група энтузіястаў з Менску падхапіла гэтую ідэю агучвання фільмаў і пачала ладзіць кінаканцэрты, на якіх дэманстравалася нямое кіно, а музыкі выконвалі нажывую свае творы, напісаныя спецыяльна для паказу.

У сталіцы кінаканцэрты праводзяцца ў атмасферы музея Азгура, а з цягам часу праект прыйшоў і ў рэгіёны. І сёння адзін з уікэндаў жніўня насычаны подыхам восені, музыкай і чорна-белым экранам.

Гэта толькі на першы погляд падаецца: ну каму сёння цікавае нямое кіно? Чорна-белая плёнка, іншая манера гульні, наіўныя сюжэты. Але ўсё мяняецца, калі пачынае гучаць жывая музыка.

«Кінэмо» – адзіны ў Беларусі штогадовы культурна-адукацыйны праект у сферы нямога кіно і сучаснай музыкі. Яго асноўная задача – папулярызацыя і пераасэнсаванне класікі нямога кінематографа праз сродкі сучаснай музыкі. Гучыць мудрагеліста, але на справе ўсё геніяльна проста: бяруць шэдэўр сусветнага кіно, запрашаюць музыкаў, тыя некалькі месяцаў ствараюць арыгінальны акампанемент, а потым выконваюць яго ўжывую падчас дэманстрацыі фільма.

📌 Чытаць далей…
———
Дзецікава – канал пра Берасце і берасцейцаў