خوجا ساغلام (@chgrmn) Telegram

Post #5432 65 Sep 25, 2026, 13:12 UTC

🍎🏃📚✏️

قیٌلقویروق :

آد. وحش. قویروغوندا ایکی تئل لَلَک اولان

بیر جور قارا بوْیادا چؤل اؤرده یی.

ت.ت. : قارا اؤرده ک. Kadife ördek

فا : کوپیل آب

لاتین : . Melanitta.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5431 58 Sep 25, 2026, 12:57 UTC

🍎🏃📚✏️

قوتادغو بیلیک (۹جو بؤلوم)

۷۲- قاز اؤردک قوغو قیل قالیقیغ تودی / قاقیلایو قاینار یوقاری قودی
قاز، اؤردک، قوغو، قیل قویروق فضانی دوْلدوردو، باغیریشاراق، یوخاری-آشاغی گئدیب قایناشیرلار

۷۳- قایوسی قوْپار کؤر قایوسی قوْنار /قایوسی چاپار کؤر قایوسی سوو ایچر
گؤر! بیری قالخار بیری قوْنار، بیری اوٌزه ر بیری سو ایچر

۷۴- کؤکیش تورنا کؤکته اوٌنوٌن یانگکولار/ تیزیلمیش تیتیر تئگ اوچار یئلگوره ر
بیر خیل دورنا گؤیده اوجا سسله باغیریشیرلار، دوٌزولموش دَوه قاتاری کیمی اوچوب قاناد چالیرلار

۷۵- اولار قوش اوٌنین توٌزدی اوٌندر ایشین/ سیلیگ قیز اوقیر تئگ کؤنگول بئرمیشین
ککلیک سسینه بیر آهنگ وئره ره ک ائشینه سسله نیر/ سانکی گؤزل بیر قیز کؤنول وئردییینی چاغیریر

۷۶-اوٌنین اؤتتی ککلیک کوٌلر کاتغورا/ کیزیل آغزی کان تئگ کاشی قاپ قارا
ککلیک یوٌکسک سسله اؤتدو، سانکی گولمک سسی چیخاریر، آغزی قان کیمی قیرمیزی قاشی قاپ قارا

۷۷- قارا چومغوک اؤتتی ساتا تومشوکین/ اوٌنی اوْغلاغو قیز اوٌنی تئگ یاقین
آلاقارغا دیمدیگین چالا چالا اوْخویور، سسی نازلی بیر قیز سسی کیمی جانا یاخیندیر

۷۸-چیچکلیکده ساندواچ اؤتر مینگ اوٌنون/ اوْقیر سوٌری- عبری توٌنوٌن هم کوٌنوٌن
چیچکلیکده بوٌلبوٌل مین جوٌره سسله اؤتور، سانکی گئجه-گوندوز مزامیر(زبور سوره لری) اوْخویور

۷۹-ائلیک اوْینار کوٌلمیز اوْینار چیچکلر اؤزه / سیغون مویغاک آغنار یوْریر تپ کئزه
ماراللار-دیشی ائرکک چیچکلر اوٌزه رینده اوْناییرلار، گئییکلر دیشی ائرکک اوینایاراق قاچیرلار

╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯

Post #5430 34 Sep 25, 2026, 08:02 UTC

Forwarded from مرکز تورکلری | 𝐓ü𝐫𝐤 𝐈𝐫𝐚𝐪

📺 کؤهنه دگیرمان / جولفا

@Bir1ses

❤ 1

Post #5429 27 Sep 25, 2026, 07:58 UTC

Forwarded from مرکز تورکلری | 𝐓ü𝐫𝐤 𝐈𝐫𝐚𝐪

📺 تۆرک توْیوُ و گلین چیْخارتما تؤره‌نی / کلات نادری

🗣 علی برومند

#تویلو_جمعه‌لر
@Bir1ses

Post #5428 115 Sep 25, 2026, 07:25 UTC

🍎🏃📚✏️

قان اوْتو :

اوت. حکیملیکده چوخلو دردلره اؤزه للیکده سانجییا

درمان اوٌچون ایشلهنن ، دو̌ز و اوزون گؤوده لی،

ایکی طرفلی دیش-دیش یارپاقلاری،

چتیر کیمی تو֯م وه ساری گوٌللری اوْلان، مئشه لرده،

داشلیقلاردا بیتن بیر چؤل بیتکیسی.

باشقا آدلاری : قندیل چیچه یی. ساری گو̌ل. قان قوُرودان. یارا او֯تو. ساری باش. مارساما اوْتو. بایتیران. بایتاران. عرب ساچی. آغ باشلی. آغ یاوشان. بارساما اوْتو.

فا : بومادران.

لاتین : Achillea.com.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 2

Post #5427 27 Sep 25, 2026, 07:07 UTC

🍎🏃📚✏️

ایلان چیچگی

مدیترانه ای آب و هاوادا دیرچلن،
۶۰-۲۵ سانت اوجالیغی اولان،
سارییا چالان یاشیل بویادا اینجه یارپاقلاری،
باشیندا سالخیملی ساری بویادا گوللری،
حکیملیکده یارا توختاتماغا، قان آخماغین قاباغین آلماغا،
آیباشینی تنظیم ائتمه ، هوْو و قان باسینجینی آزاتماغا
داها آسم اوٌچون فایدالی اوْلان بیر جور قان اوتو.
فا : بومادران کرمانشاهی.
لاتین : Achilla aleppica.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5424 31 Sep 25, 2026, 06:15 UTC

🍎🏃📚✏️

81-جی درس
فعل (10)
قاییدیش نوع
اگر فعلین مضمونو ائله اوْلا كى, ايشين نتيجه سى ده ايش گؤره نين اؤزونون اوٌستونه قاييدا, بئله فعللره قاييديش فعللرى دئييلير. دئمه لى بو فعللر مجهول فعللرين عكسينه دير و بو فعللرده تامامليق اوْلماز: يويوندو, سئويندى, دئيندى, ...
قاييديش نوع فعللرى تأثيرلى فعللردن معين شكيلچيلرين واسيطه سيله دوٌزليب, تأثيرسيز اوْلور. بو اکلرين اؤنمليلرى بونلاردير:
1. ين (in), ين (ın), ون (un), ون (ün):
بو اکلر مضمونو مناسيب اوْلان تأثيرلى فعللرين كؤكلرينه آرتيريليب, قاييديش فعلى دوٌزلدر: سئودى > سئو+ين+دى=سئويندى, گؤردو > گؤر+ون+دى=گؤروندو, ...
2. يل (il), يل (ıl), ول (ul), ول (ül):
بو اکلر ده بعضى تأثيرلى فعللردن قاييديش فعلى يارادار: آچدى > آچ+يل+دى =آچيلدى, ...
گؤردوٌيونوز كيمى قاييديش نوْعو اکلريله, مجهول نوْع فعللرى اکلرى عئينى دير. آنجاق بونلارى جوٌمله ايچينده بيرى بيريندن سئچمك اوْلار. اگر جوٌمله ده ايش گؤرن معلوم اوْلماسا, فعل مجهول, آمما اگر جوٌمله نين فاعيلى بللى اوْلسا و ايشين نتيجه سى ايش گؤره نين اوٌستونه قاييتسا, فعل قاييديش نوْعونداندير.
ميثال اوٌچون "گوٌل بوداغيندان اوٌزوٌلدو" جوٌمله سينده ايشى گؤرن بللى دئييلدير, بونا گؤره ده "اوٌزوٌلدو" فعلى مجهولدور, آنجاق "اوٌره ييم اوٌزوٌلدو" جومله سينده ايش گؤرن "اوره ييم" دير و "اوٌزوٌلدو" فعلينين نتيجه سى ده اوْنون اوٌستونه قاييدير, بونا گؤره ده فعل قاييديش نوعونداندير.
يوخاريدا دئديييميز كيمى, قاييديش فعللرى يالنيز تأثيرلى فعللردن دوٌزلر, اوْنا گؤره كى بونلاردا مفعول لازيمدير كى, فاعيل اوْنون يئرينى توتسون.
قاييديش فعللرينين, دئديييميز كيمى, موستقيل تامامليغى اوْلا بيلمز. آنجاق معاصير ديليميزده, بعضا قاييديش اکی اوْلان فعللر مستقيم تامامليق ايله ايشله نير: آسلان پالتارينى گئييندى. عاريف پالتارينى سوْيوندو.
بو جوٌمله لرده "گئييندى" و "سوْيوندو" فعللرى شكيلجه قاييديش فعل دير, آنجاق مستقيم تامامليغى اوْلدوغو اوٌچون تأثيرلى فعل حئساب اوْلور. بئله فعللر قاييديش نوعو آدلانا بيلمزلر.
قایناق : سس ، صرف کیتابی پروفسور زهتابی-تخلیص ائدن ، سارای خانیم

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5423 26 Sep 24, 2026, 18:09 UTC

Forwarded from خوجا ساغلام

https://t.me/Az_edebiyyat

Telegram ☪‍ Şeir/Ədəbiyyat📚𒀭 🔸 آزربایجانؽن دیل، مدنییت و ادبیاتؽنا حصر اوْلۇنمۇش اوْخۇلۇمۇز 🔸Azərbaycanın dil, mədəniyyət və ədəbiyyatına həsr olunmuş oxulumuz 👇👇👇 📌 @Az_edebiyyat 📌 @az_edebiyyat_yayar

❤ 1

Post #5422 24 Sep 24, 2026, 18:07 UTC

Forwarded from خوجا ساغلام

https://t.me/chgrmn/5296

Post #5419 72 Sep 24, 2026, 15:47 UTC

🍎🏃📚✏️

ایلان باشی :

اوت. خوْش قوْخولو، اینجه بازیکلی،

دیش- دیش یارپاقلاری و موْر گوٌللری اوْلان

حکیملیکده گوٌجلندیرمه یه، بئل آغریسینا

ایشله نن بیر جور یئمه لی اوْت.

بال آریسی بو اوْتو باشقا اوْتلارا گؤره آرتیق سئور

و شیره سین چکمک اوٌچون اوٌستونده اوْتورار.

بو اوْتون چوْخلو عرقین چکرلر یوْخسا چایینی دملرلر.

باشقا آدلاری : بادرشبی. قوْوان اوْتو.

ت.ت. اوْغول اوْتو.

فا : بادرنجبوی. ملیسا.

لاتین آدی : Melissa officinalis.lab.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5418 29 Sep 24, 2026, 07:17 UTC

الترك هم الذين يقال لهم الديلم

❤ 2

Post #5417 31 Sep 24, 2026, 05:42 UTC

🍎🏃📚✏️

کُراع النمل، هیحری اوٌچونجو عصیرین لوغتچیسی، المنجّد فی اللغة کیتابیندا «تورک»ه گؤره یازیر :

«الترك هم الذين يقال لهم الديلم»

آنلام : «دیلم دئییلَنلر ائله توٌرکلردیلر.»
📚 قایناق : ابن منظور، لسان العرب، مادهٔ «دلم»، آنلاتی(نقل قول) ابن‌سیده > کُراع النمل.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 2

Post #5416 101 Sep 23, 2026, 16:49 UTC

🍎🏃📚✏️

قوتادغو بیلیک (۸جی بؤلوم)

IV (۵) یاروق یاز فصلین اولوغ بوغراخان اؤگدیسین آیور
           پارلاق یاز موسمینی ، اولو بوغرا نین مدحینی دئییر

۶۳- توْغاردین ائسه کلدی اؤنگدوٌن یئلی/ آجون ائتگوکه آچتی اوشتماه یولی
            دوْغودان یاز یئلی اسیب گلدی، دونیانی بزه مک اوٌچون اوچماق (جنت) یوْلونو آچدی

۶۴- یاغیز یئر ییپار توْلدی کافور کیتیپ/ بزه نمک تیلر دوٌنیا کؤرکین ایتیپ
            کافور گئتدی قارا توْرپاق قوخو ایله دوْلدو، دونیا اؤزونو بزه یه ره ک بزه نمک ایسته ییر

۶۵- ایرینجیک کیشیغ سوٌردو یازکی اسین/ یاروک یاز یانا کوردی دئولت یاسین
            یاز یئلی اینجیدیجی قیشی سوٌروٌپ قووالادی، پارلاق یاز قوت/سعادت یایینی قوردو

۶۶- یاشیک یاندی بولغای یانا اوْرنینگا/ بالیک کودروکیندین کوْزی بورنینگا
            گونش بالیک قویروغوندان(حوت) قوزوبورنونا دک(حمل) یئرینه یئنه دؤندو

۶۷- کوریمیش ییغاجلار توناندی یاشیل/ بزه ندی ییپوٌن آل ساریغ کؤک کیزیل
قوروموش آغاجلار یاشیل گئیدیلر، طبیعت مور، آل، ساری، گؤی رنگلر ایله بزه ندی.

۶۸-,یاغیز یئر یاشیل تورکو یوٌزکه بادی/ هیتای آرکیشی یادتی تاوغاچ ائدی
قارا یئر اوٌزونه یاشیل ایپک باغلادی، ختای کروانی بونون اوٌستونه چین قوماشینی یایدی

۶۹- یازی تاغ کیر اوْپری تؤشندی یادیپ / ایتیندی کوْلی کاشی کؤک آل کئدیپ
دوٌزنلیکلر، داغلار، چؤللر،اوْوالار بونو یاییب دؤشندیلر، وادیلر یاماجلار آل-یاشیل گئیه ره -ک بزندیلر

۷۰- توٌمن توٌ چئچکلر یازیلدی کوٌله / ییپار توْلدی کافور آجون یید بیله
مینلرجه چیچکلر گوٌله ره ک آچیلدیلار، دونیا میسک -کافور قوْخوسو ایله دوْلدو

۷۱- سبا یئلی کوْپتی قارانفیل ییدیم/ آجون بارچا بوٌتروٌ ییپاربوردی کین
‍قارانفیل قوْخولو باهار یئلی اسدی، دونیانین هر طرفی میسک عنبر قوْخوسو ایله دوْلدو

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5415 24 Sep 23, 2026, 09:09 UTC

Forwarded from خوراسان تورکلری‌نین دیل و ادبیاتی

قوجالیق
🍏🍎
بوکولدو بئل کمان اولدو
گونوم باتدی دومان اولدو
قوجالدیم دورانیم کئتدی
ایشیم آه و فغان اولدو
🍏
ایشیق گئتدی بو گؤزلردن
جانیم چیخدی بو دیزلردن
کریخ‌دیم طعنه سؤزلردن
اینانماز سؤز اعیان اولدو
🍎
آغاردی باش توکولدو دیش
باهاریم گئتدی گلدی قیش
الیمدن گلمه‌دی هئچ ایش
قیزیل‌ گوللر خزان اولدو
💎
کیمیم یوخ گلسی امداده
یوخوم بیرکس سالا یادا
مال و پول چاتمادو داده
باجی قارداش یالان اولدو.
🍀
محقق یازدو چوخ سؤزلر
یاشاردو هر باخان گؤزلر
اولوم بیر گون یولوی گؤزلر
اودا بلکه‌ام الان اولدو
🎋
«شاعر: «یوسف محقق»
📚🍀
خوراسان تورکلری‌نین دیل و ادبیاتی
@xorasanturk
🌹🍀🌻🙏🏻

❤ 1

Post #5414 122 Sep 23, 2026, 08:58 UTC

🍎🏃📚✏️

قوتادغو بیلیک (۷جی بؤلوم)

            ۵۷- علی ائردی موندا باساکی تالو/کور ائرسیگ یوره کلیگ منگئسی توْلو
اوْندان سوْنرا سئچگین، جسور ایگیت، قهرمان و عاغیللی علی واردیر.

            ۵۸- علی ائردی ائلگی یوٌره کی تئدوک/ بیلگیلیگ ساکینلوک کؤر آتی بئدوک
علی جومردایدی، اوره گی صاف ایدی، بیلگیلی، تقوا ییه سی، اولو آدلی بیر اینسان ایدی.

            ۵۹- بولار ائردی دین هم شریعت کؤکو/ بولار یوتدی کافیر مونافیق یوٌکی
بونلار دین و شریعتین تملی ایدی، بونلار کافیرلر ایله مونافیقلردن گلن اذیتلره قاتلاندیلار

            ۶۰- بو تؤرت ائش مانگا تادو تئگدورور/ توٌزوٌلسه تادو چین تیریگلیک بولور
بو دؤرد صحابه منجه دؤرد عنصر کیمیدیر، عونصورلار دنگلشیرسه گئرچک یاشام اوْرتایا چیخیر

            ۶۱- مئنینگدین بولارکا اوٌکوٌش مینگ سلام/ تئگورگیل ایدیم سن کسوکسوز اولام
ائی رببیم سن اؤزون بونلارا سوْنسوز سوره کلی سلاملاری اولاشدیر

            ۶۲- اولارنی منینگدین سئویندوٌر توچی/ اولوغ کونده کیلگیل ائلیگ توتتاچی
اوْنلاری سوٌرکلی مندن راضی ائت، اولو گونده اوْنلاری منه شفاعتچی قیل

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5413 33 Sep 22, 2026, 20:05 UTC

کسروی.pdf12.2 MB

قودرت ابوالحسنی : کسروی و اوْنون بلگه سیز قوْندارما سؤزلرینه یانیت

❤ 1

Post #5412 29 Sep 22, 2026, 15:55 UTC

🍎🏃📚✏️

آی عزیز آنام ماهنیسی

ایله نجه لی توْی اوْیناماغی – باکی

Ay Əziz Anam Əyləncəli Toy və Rəqs Mahnısı MeloBaku

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5411 80 Sep 22, 2026, 13:55 UTC

🍎🏃📚✏️

⭕️ «سوْنای» سئوگیلی‌لر گۆنو

✍️ یازان: #تانسو_خیاوی

🔷 كۆلتوروموزده «گونش» و «آی» سئوگيلی‌ديلر. بو سئوگيلی‌لر هئچ زامان بيربيرينه چاتمازلار! آما سئوگیلری اۆرکلريندن سيلينمز. بوگۆن سئوگییه، عشقه تعبیر اوْلوب، بیر سئوگی کی سوْنو یوْخدور.

🔷 زومار(شهریور) آیێ‌نین سوْن گئجه‌سی «سوْنای» آدلانێب. بوگۆن آذربایجاندا سئوگیلی‌لر گۆنو سایێلیر. بو گۆنده افسانه سئوگیلی‌لر «آی و گۆنش» گۆن‌باتاندا بیر بیرلریله گؤرۆشۆرلر (افق‌دا 180 درجه زاویه‌ده قرار تاپێـرلار) و بو قێسا گؤرۆشده آی و گۆنشین بیر ایللیك اؤزلمی سوْنا چاتێر و بو ایكی سئوگیلی بیر آن اوْلسون بئله قوْووشورلار. بو اوْلایدا سَمبولیك اوْلاراق آذربایجاندا سئوگیلی‌لر گۆنو آدلانێب و عزیز سایێلیبدی.

🔷 گئچمیشده بو گۆنده اؤزل تؤر‌ه‌نلر گئچیریلردی. كندلرده هركس اؤزل بیر سسلرله كی اوْنا "اواوا" دئییردیلر، بیر بیرلرینی سسله‌ییب، كندین میدانێـنا یێغیشاردیلار. اوْردا یئمكلر پیشیریلیب، اوْیونلار اوْیناناردێ. سئوگیلی‌لر بیر بیرلرینه هدیه وئرردیلر. باشقا آیرێنتیلار (جزئیات) اۆچون «ناصر منظوری‌»نین "اواوا" كتابین اوْخوماق اوْلار.

🔷 سوْنای آذربایجان خلقینه عایید اوْلان بیر عنعنه اوْلاراق بیزیم كۆلتوروموزون زنگین‌لیڲین گؤرسه‌دیر و بونا گؤره ده داها چوْخ اۆركلره یاتیر. ولینتاین باتێ ‌ایله مسیحیت سیمگه‌سی اوْلدوغو اۆچون بیزه چوْخ اوزاق اوْلاراق یابانجی گلیر. اؤزللیكله تۆرك كیشی‌لر كی، دویغوسال قوْنولاردا چوْخ آغێرباشلێ‌دیرلار، بئله‌نچی بیر قوْنولاردا داها تپكی‌لی اوْلورلار و اوْنو خوْش قارشێلامیرلار. ولینتاین چوْخ آنلاملی اوْلسا بیله بیزیم كۆلتوروموز دڲیل. هله سوْنای كیمین درین آنلاملێ و زنگین بیر تاریخی عنعنه‌سی اوْلان بیر خلقه ولینتاینین هئچ ضرورتی یوْخدور.

🔷 سوْنای آذربایجانین اسكی دَبلریندن اوْلاراق هر كسین ماراقلا ایلگیسین چكیر. من اۆره‌ڲینده سئوگی گؤزللیکلری اؤلمه‌میش بیر قادێن اوْلاراق، سوْنای گئجه‌سی اۆچون نئچه اؤنریم (پیشنهاد) وار؛

«بیزیم آذربایجان كۆلتوروموز اوْ قدر گئنیش، گؤزل، درین و زنگین‌دیر كی، بیز اوْنو داها چوْخ ماراقلا آراشدێریب، اؤڲرنمه‌لی‌ییك. سوْنای أن گؤزل دبلرین بیریدیر. سوْنای عشق سیمگه‌سی‌دیر. بیز ده سینه‌میزده بیر اۆرك اوْلدوغونو و اوْ اۆره‌ڲین ایچینده بیر سئوگیلیمیز اوْلدوغونو اونوتمایاق. اونوتمایێن صاباح اوْلمایا بیله‌ریك. سوْنای سئوگیلیمیزه اوْنو نه قدر چوْخ سئودیگیمیزی گؤرستمک اۆچون گؤزل و آنلاملێ بیر گئجه‌دیر.

«سوْنای گئجه‌سی» بۆتون سئویب، سئویلن‌لره موبارك اوْلسون. 🌻🪸

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5410 80 Sep 22, 2026, 13:32 UTC

🍎🏃📚✏️

بیلیریک اسکی تورکجه ده ز ایله باشلانان سؤزجوک چوخ آزدیر آما گونوموز تورکجه سینده چوخلو ز ایله باشلانانان سؤزجوکلر واردیر اؤرنه یین : زیییل، زوٌیمک، زینگ و ...
لغات الترک کیتابیندا ۸ کلمه ز ایله باشلانان سؤزجوک یازیلیبدیر. اونلارین ایکیسی چین دیلیندن آلینمادیر و باشقالاری طبیعتدن آلینیبدیر.
سنگلاخ دا ۱۳ کلمه گتیریلیبدیر.
رحمتلیک اسماعیل هادینین باخیشی ایله ایره لیله سک توٌرکجه ده ایشله نن ز ایله باشلانان سؤزجوکلر آلینمادیرلار ۱- اؤزگه دیللردن ۲- طبیعتدن. قالان سؤزجوکلر ایلک   ز حرفلری س حرفینین ز حرفینه چئوریلمیشیدیر.
  ز ایله اصیل باشلانان توٌرکجه سؤزلر س حرفینین دَییشگه سیدیر. یعنی س حرفی یئرینی ز حرفینه وئریب و گونوموز توٌرکجه سینده س ایله یوْخ ز ایله دانیشیلیر. اؤرنک اوْلاراق سوٌلوٌک (sülük) و سوٌلو سؤزو گئتدیکجه زوٌلو (zülü) بیچیمینه دوٌشوب و زالو بیچیمده فارسجایا آیاق قویوبدور. هابئله ساوساق / سّوسک (səvsək) سؤزونده، س یئرینی ز حرفینه وئریب و زوزک/زه وزه ک دئییلیر. داها زینگ سؤزونه باخساق مال داوارین باش آیاغینا چوخلو یئرلرده زینگ سؤزو ایشله نیر. بو سؤز سینگیر سؤزونون دَییشگه و قیسالمیشیدیر. بیز چاغداش بو غنّه نون ایله دئییلن سینگیری «سینیر» یازیب و دئییریک. میرزا مهدیخان استرآبادی سنگلاخدا یازیر :
سینگیر دو معنی دارد : ۱- عصب و پی را گویند. ۲- گریه بی اختیار بود.
داها دانیشیق دیلینده زیییل و یازی دیلینده زیییل یوْخسا زیگیل و فارسجادا زگیل یازیلان دوْغروسو سیگیل سؤزونون واریانتیدیر. بورادادا میرزا مهدیخان استرآبادی یازیرلار :
سیگیل : به ترکی رومی دانه ایست صلب که بر دست و اعضا بر آید و آنرا به عربی لولول گویند.
توٌرکجه ده چوْخلو یئرلرده بیز دئین چومور /چامیر-ا زیغ سؤزجوکو ایشله دیرلر. زیغ آنلامی سؤزلوکده بئله یازیلیبدیر :
زیٌغ : آد. 1- سیغ و سیویق سؤزوندن. دورو چامیر. دورو پالچیق. 2- گؤز بولاغینا ییغیشان ایرین. گؤز پوْخو. 3- یاش پئهین تؤکونتوسو.
سیغ سؤزونون اؤزو چامیرلی و چوخ لئهلی سو آنلامیندادیر.
و
...

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯