قوجالیق
🍏🍎
بوکولدو بئل کمان اولدو
گونوم باتدی دومان اولدو
قوجالدیم دورانیم کئتدی
ایشیم آه و فغان اولدو
🍏
ایشیق گئتدی بو گؤزلردن
جانیم چیخدی بو دیزلردن
کریخ‌دیم طعنه سؤزلردن
اینانماز سؤز اعیان اولدو
🍎
آغاردی باش توکولدو دیش
باهاریم گئتدی گلدی قیش
الیمدن گلمه‌دی هئچ ایش
قیزیل گوللر خزان اولدو
💎
کیمیم یوخ گلسی امداده
یوخوم بیرکس سالا یادا
مال و پول چاتمادو داده
باجی قارداش یالان اولدو.
🍀
محقق یازدو چوخ سؤزلر
یاشاردو هر باخان گؤزلر
اولوم بیر گون یولوی گؤزلر
اودا بلکه‌ام الان اولدو
🎋
«شاعر: «یوسف محقق»
📚🍀
خوراسان تورکلری‌نین دیل و ادبیاتی
@xorasanturk
🌹🍀🌻🙏🏻
Post #5415
24