​​📚 Кірмаш гістарычнай кнігі ў Варшаве. Расклад прэзентацый і творчых сустрэч

З 28 лістапада па 1 снежня ў Варшаве праходзіць Кірмаш гістарычнай кнігі. Адмыслова для вас Цэнтр беларускай салідарнасці арганізаваў асобны беларускі стэнд. Там прадстаўлены беларускія кнігі, вядомыя аўтары і незалежныя выдавецтвы. Кірмаш праходзіць у самым сэрцы Варшавы – Каралеўскім замку (plac Zamkowy 4). Час працы: 10:00–18:00.

Увага! Уваход на Кірмаш толькі з боку вуліцы Grodzkiej (адваротная частка замка). Пасля таго як вы зойдзеце на Кірмаш, неабходна ісці ў левы бок да самага канца, дзе вас чакае беларускі стэнд №75.

Час творчых сустрэч і прэзентацый кніг:

30.11 / 14:00 / Беларускі стэнд
Прэзентацыя дапаможніка "Каляндар адаптацыі ў новай краіне" Ханны Мурайда з удзелам аўтаркі. У свеце 3,5% людзей жывуць у эміграцыі — як ім парадзіць з адаптацыяй?

30.11 / 15:00 / Беларускі стэнд
Прэзентацыя кнігі К. Макушыньскага "Д'ябал з сёмага класа": папяровай і аўдыёверсіі.

30.11 / 16:00 / Sala Forum
Прэзентацыя серыі "Польская класіка для беларускага чытача": Чэслаў Мілаш, Збігнев Хэрберт, Балеслаў Прус і Ян Бжехва. Кнігі прадставяць аўтары перакладаў: Андрэй Хадановіч, Андрэй Скурко і Марына Казлоўская.

30.11 / 17:00 / Sala Forum
Прэзентацыя кніг вядомага гісторыка Уладзіміра Арлова: "Patria Aeterna" і "Сьвецяцца вокны ды нікога за імі". Беларуская лацінка: традыцыі і сучаснасць.

01.12 / 14:00 / Sala Kinowa
"Прыгоды дзеда Віці на Валадарцы" – вершы і малюнкі для дзяцей і дарослых, створаныя ў беларускай турме. Аўтар – Алег Гудзіловіч.

01.12 / 14:00 / Sala Forum
"Орша 1514: суперніцтва Ягелонаў з Масквой у першай палове XVI стагоддзя" – Прафесар Міраслаў Нагельскі і доктар Аляксандр Груша.

01.12 / 14:00 / Беларускі стэнд
Прэзентацыя кніжкі "Залатое зерне" Мечыслава Яна Супрона: "Як рэальныя мясціны і гістарычныя ілюстрацыі становяцца дэкарацыямі для казкі". Удзельнікі: выдаўчыня Валянціна Андрэева, аўтар і ілюстратар кніжкі Мечыслаў Ян Супрон.

Да сустрэчы!