​​⚡️Кірмаш гістарычнай кнігі ў Варшаве: творчыя сустрэчы з незалежнымі аўтарамі, беларускія кнігі, сімволіка і не толькі!

З 28 лістапада па 1 снежня ў Варшаве адбудзецца Кірмаш гістарычнай кнігі. Дзякуючы намаганням Цэнтра беларускай салідарнасці на кірмашы быў створаны асобны беларускі стэнд, дзе будуць прадстаўлены беларускія кнігі, вядомыя аўтары і незалежныя выдавецтвы. Мерапрыемства пройдзе ў самым сэрцы Варшавы — у Каралеўскім замку (plac Zamkowy 4).

Кірмаш гістарычнай кнігі ў Варшаве — адзін з самых прэстыжных і вядомых у Польшчы, які праводзіцца штогод ужо трыццаць другі раз! Неўзабаве мы аб’явім спіс прэзентацый кніг ад беларускіх аўтараў, з якімі вы зможаце сустрэцца, задаць пытанні і атрымаць аўтограф. Сачыце за нашымі навінамі!