✊Дзень, які змяніў усё!

9 жніўня 2020 году стала паваротнай датай беларускай гісторыі. Наш народ абудзіўся і крочыў у бок дэмакратыі, свабоды і роўнасці.

Пачынаючы наш шлях да волі, мы не маглі нават уявіць, наколькі складаным ён будзе. Складана было паверыць у тое, што ўлады і іх служкі здольныя на такі ўзровень рэпрэсій і звярынай жорсткасці. Складана было паверыць у тое, што звар'яцелыя дыктатары здольныя развязаць крывавую вайну ў цэнтры Еўропы ў ХХІ стагоддзі. Бясспрэчным зʼяўляецца толькі тое, што, як бы доўга мы бы не ішлі і якія перашкоды мы не сустракалі, гэты шлях вядзе нас да праўды і новай, безумоўна лепшай Беларусі.

Яшчэ адна рэч, якую вам абавязкова трэба ведаць – у складаную хвіліну Цэнтр беларускай салідарнасці будзе побач і ніколі не пакіне вас сам насам з праблемамі. Менавіта ў тых падзеях нарадзілася салідарнасць паміж беларусамі, што стала асновай і адной з галоўных каштоўнасцяў нашай арганізацыі.

А якім запомнілі 9 жніўня 2020 года вы? Падзяліцеся сваімі ўспамінамі ў каментарах!