📣У ЦБС адзначылі 100-годдзе Васіля Быкава разам з Уладзімірам Арловым

Нашыя госці даведаліся пра новыя факты, а таксама нечаканыя ракурсы жыцця і творчасці Народнага пісьменніка. Напрыклад, пра тое, што Васіль Быкаў быў добрым мастаком🎨. Уладзімір Арлоў правёў для ўсіх прысутных захапляльную экскурсію па творчым свеце беларускага класіка.

У рамках імпрэзы адбылася прэзентацыя новай кнігі Быкава “Бліндаж” з удзелам кіраўніка фонду Kamunikat.org Яраслава Іванюка. Акрамя таго, госці мерапрыемства маглі пачуць жывы голас класіка, а старшыня Беларускага ПЭНа Таццяна Нядбай прачытала ўрыўкі успамінаў пра Быкава.

Напрыканцы мерапрыемства кожны мог набыць беларускія кнігі на адмысловым кірмашы. Мы шчыра дзякуем ўсім, хто знайшоў час, каб адзначыць разам з намі гэту важную дату, а таксама спадару Уладзіміру за яго неймаверна цікавыя гісторыі. Да новых сустрэч!