❤️Польскі юрыст, які падтрымлівае беларусаў, атрымаў узнагароду

Выдатны польскі юрысконсульт Філіп Чэрніцкі атрымаў прэстыжную ўзнагароду «Крышталёвае сэрца». Гэта стала магчымым дзякуючы, у тым ліку, вашым галасам, якія вы за яго аддалі.

Нагадаем, што пры дапамозе спадара Філіпа многія беларусы, якія зазналі рэпрэсіі і былі вымушаныя пакінуць нашу краіну, змаглі атрымаць прафесійную і бясплатную юрыдычную дапамогу. Юрыст стаў стваральнікам цэнтра pro bono пры Акружной палаце юрысконсультаў у Варшаве (OIRP).

У лютым 2021 года Цэнтр беларускай салідарнасці падпісаў дамову аб супрацы з OIRP. Дзякуючы гэтаму нашыя землякі могуць на бязвыплатнай аснове атрымліваць кансультацыі па крымінальным, працоўным праве і іншых важных пытаннях.

Віншуем спадара Філіпа з заслужанай узнагародай!

Фота: LinkedIn Filip Czernicki