🎨Арт-тэрапія для беларускіх дзетак

Дзякуючы заняткам арт-тэрапіі ў Школе Цэнтра беларускай салідарнасці, дзеткі атрымалі цудоўную магчымасць раскрыць свой творчы патэнцыял, палепшыць дробную маторыку і навучыцца бачыць свет у яскравых колерах.

На гэтым тыдні дзеткі перанесліся ў чароўны лес, у якім жылі… шкарпэтачкі! Маленькія беларусы з захапленнем слухалі казку ад нашай настаўніцы, а пасля зрабілі свае казачныя шкарпэткі. Кожная з іх атрымала сваю гісторыю жыцця, якую прыдумалі самі дзеткі. Важна, што пры дапамозе казкатэрапіі нашыя жэўжыкі маюць магчымасць развіць сваю фантазію і зняць напружанне.

Таксама нагадаем вам, што ў школе ЦБС вашых дзетак чакае мноства цікавых заняткаў і магчымасцяў для развіцця. Даведацца аб наяўнасці вольных месцаў і запісацца на заняткі вы можаце ў Telegram @CBSschool ці па тэлефоне +48694532858.