🌾 Як савецкая ўлада ператварыла харчовы крызіс у катастрофу: Вялікі голад у Малдове

У 1946–1947 гг. Малдаўская ССР перажыла Вялікі голад, які забраў каля 200 тыс. жыццяў — амаль дзясятую частку насельніцтва.

Пра трагедыю распавяла ў Варшаве гісторык Людміла Кажакару, дырэктар Музея ахвяр дэпартацый і палітычных рэпрэсій Малдовы.

Засуха і пасляваенная разруха былі толькі часткай прычын катастрофы. Савецкія ўлады працягвалі прымусова забіраць у сялян збожжа, пазбаўляючы іх апошніх запасаў. У 1946 г. план рэквізіцый дасягаў 260 тыс. тон.

Голад прывёў да масавай смяротнасці і нават выпадкаў канібалізму. Пры гэтым у 1946 г. СССР экспартаваў мільён тон збожжа, а значная частка канфіскаванага ўраджаю проста згніла.

Паводле даследчыцы, трагедыі можна было пазбегнуць: у дзяржавы хапала рэсурсаў, каб выратаваць людзей, але савецкае кіраўніцтва аддало перавагу выкананню планаў.

🔗 Падрабязней у матэрыяле Беларускай службы Польскага радыё