Хуситтердің Эр-Рияд әуежайына соққысы кезінде кемінде 12 адам қаза болды

Йемендік хуситтер Сауд Арабиясының астанасы Эр-Риядтағы халықаралық әуежайға ракетамен соққы жасап, кемінде 12 адам қаза болды, 400-ге жуық адам зардап шекті.

Осы аптада осымен әуежайға үшінші рет соққы жасалып отыр, ең ауыры да осы. Қаза болғандар арасында Сауд Арабиясынан бөлек, АҚШ, Бангладеш, Иордания, Палестина, Сирия, Судан, Египет азаматтары бар.

Видеода аэровокзалдың айтарлықтай бүлінгені көрінеді. Әуежай уақытша жабылған.

АҚШ президенті Дональд Трамп шабуылды қатаң айыптап, АҚШ "Сауд Арабиясының хуситтерге қарсы соққысына қосылу жөнінде" "жылдам шешім қабылдауы" мүмкін екенін айтты. Бұған дейін АҚШ Эр-Риядтың бірігіп соққы жасау туралы ұсынысын кері қаққан. Әуежайға соққыны Таяу Шығыстағы бірқатар ел айыптады.