Башкортстанда ир-ат полиция машинасына ут төрткән
 
Октябрьский шәһәрендә билгесез ир-ат Эчке эшләр министрлыгының “Газель” машинасына килеп сыекча сибә һәм ут төртә. Машинага шунда ук ут кабына. Әлеге домофон камерасы яздырып алган видеоны RusNews Telegram каналы чыгарды.

 Ут төрткәннән соң ир-ат качып киткән, аны эзлиләр. Эчке эшләр министрлыгы вәкиле җирле медиаларга белдерүләренчә, зыян күрүчеләр юк.

@azatliqradiosi