ArtPower Belarus

Працягваем цыкл гісторый #ArtPowerBelarus

У новым матэрыяле — пра «Зэкамерон»: як кніга Максіма Знака, напісаная ў зняволенні, стала асновай для спектакля «Вольных Купалаўцаў», створанага пры падтрымцы ArtPower Belarus, а праз два гады гэтая гісторыя працягнулася музычным альбомам J:МОРС, таксама падтрыманым праграмай.

Разам з Алегам Гарбузам і Уладзімірам Пугачом расказваем, як адна творчая ідэя развівалася цягам двух гадоў і перарастала ў новыя формы.

Чытайце гісторыю па спасылцы

Шукаеце новых партнёраў для культурніцкага або медыйнага праекта?

Да 6 кастрычніка яшчэ адкрытая рэгістрацыя на афлайн-нэтворкінг «Культура і медыя: новыя партнёрствы», які адбудзецца 14 кастрычніка ў Варшаве.

Гэта магчымасць сустрэцца з прадстаўнікамі беларускіх культурніцкіх арганізацый, журналістамі, рэдактарамі, блогерамі, незалежнымі аўтарамі і культурніцкімі менеджарамі, каб знайсці новыя кантакты і абмеркаваць супольныя праекты.

У праграме:

▪️ размова пра паспяховыя кейсы супрацоўніцтва культуры і медыя;
▪️ пітчынг шасці культурніцкіх і медыйных ідэй;
▪️ нэтворкінг і пошук новых партнёраў.

Калі вы працуеце з культурай або культурніцкім кантэнтам — далучайцеся.

📍 14 кастрычніка, Варшава
📝 Рэгістрацыя адкрытая да 6 кастрычніка (23:59 па Варшаве).
🔗 Зарэгістравацца можна тут

Сёння і заўтра ў Вільні пройдуць дзве адкрытыя лекцыі літаратуразнаўцы Аляксандра Фядуты.

◾️ Лекцыя «Імперыя супраць моладзі: гісторыя віленскіх філаматаў»
📍 Віленскі беларускі музей імя Івана Луцкевіча (Vilniaus g. 20), Вільня
📅 1 кастрычніка, 18:30

Падчас лекцыі Аляксандр раскажа пра Віленскі ўніверсітэт і яго ролю ў культурным жыцці былога Вялікага Княства Літоўскага, тайныя моладзевыя гурткі ў Вільні і Таварыства філаматаў. Асобна гаворка пойдзе пра роспуск таварыства, следства, пераслед яго ўдзельнікаў і далейшыя лёсы філаматаў.

Уваход вольны.

◾️ Лекцыя «Раман Уладзіміра Караткевіча „Каласы пад сярпом тваім“: учора, сёння, назаўжды»
📍 Беларускі Замак (Naujoji Riovonių g. 10), Вільня
📅 2 кастрычніка, 18:00

Аляксандр прапануе нанова паглядзець на адзін з ключавых раманаў Уладзіміра Караткевіча — яго герояў, вобразы і сэнсы.

Падчас зняволення літаратуразнаўца напісаў кнігу «Лексікон „Каласоў пад сярпом тваім“», у якой даследаваў асновы і базавыя прынцыпы, на якіх будуецца тэкст Караткевіча. На сустрэчы ў Вільні ён раскажа пра сваё бачанне рамана і запросіць аўдыторыю да абмеркавання.

Уваход вольны.

Мерапрыемствы ладзяцца ў межах сумеснага праекта Міжнароднага саюза беларускіх пісьменнікаў і грамадскай культурніцкай кампаніі «Будзьма беларусамі», які рэалізуецца пры падтрымцы праграмы ArtPower Belarus і фінансаванні Еўрапейскага Саюза.

📣 ArtPower Belarus запускае новае кола па Трэку 2: Творчыя праекты!

З 24 верасня адкрыты прыём заявак на падтрымку культурніцкіх праектаў — ад мастацкіх праектаў, кніг, фільмаў і музычных альбомаў да фестываляў, перформансаў, адукацыйных і даследчых праграм.

У гэтым коле даступныя два фарматы:

▪️Міні: €3 000–10 000, працягласць 1–6 месяцаў.
▪️Мідзі: €10 000–35 000, а пры дадатковых умовах — да €50 000. Працягласць 3–8 месяцаў.

⏰ Дэдлайн: 29 кастрычніка 2026 года, 15:00 па мінскім часе (GMT+3).

Праекты могуць стартаваць не раней за 1 лютага 2027 года і павінны завяршыцца да 30 верасня 2027 года.

Таксама працягваецца прыём заявак па Трэку 3. Праекты ў асаблівых абставінах. Заяўкі прымаюцца на сталай аснове, сума падтрымкі: €1 000–5 000, у выключных выпадках — да €10 000.

👉 Усе ўмовы, тэрміны і падрабязнасці на сайце

Праграма ArtPower Belarus фінансуецца Еўрапейскім Саюзам.

Ужо заўтра ў Амстэрдаме 1 200 чалавек стануць удзельнікамі аднаго маштабнага перформансу ў падтрымку беларускіх палітвязняў.

19 верасня на NDSM-werf адбудзецца A Percussion Piece — партысіпатыўны мастацкі праект медыямастака Максіма Тымінько, арганізаваны antiwarcoalition.art і падтрыманы ArtPower Belarus.

Каля 1 200 чалавек адначасова надзенуць кардонныя маскі з выявамі рэальных беларускіх палітвязняў і створаць агульную гукавую кампазіцыю з дапамогай звычайных прадметаў — рондаляў, вёдраў, бляшанак і іншых імправізаваных ударных інструментаў.

На 20–30 хвілін 1 200 асобных галасоў складуцца ў адзін, як знак салідарнасці з людзьмі, чые галасы былі прымусова заглушаныя, і напамін пра тое, наколькі крохкай можа быць свабода. Перформанс будзе зафіксаваны і стане асобным відэатворам.

Далучыцца да A Percussion Piece можа кожны: удзельнікі становяцца не гледачамі, а суаўтарамі маштабнага калектыўнага дзеяння.

📍 NDSM-werf, Амстэрдам
🗓 19 верасня
⏰ 16:00 — пачатак перформансу

Рэгістрацыя ўдзельнікаў і падрыхтоўка пачынаюцца загадзя.

🔗 Рэгістрацыя яшчэ адкрытая: makenoise.art

Праект падтрыманы праграмай ArtPower Belarus і фінансуецца Еўрапейскім Саюзам.

Нагадваем: рэгістрацыя на праграму «Культура і медыя: нэтворкінг для новых партнёрстваў» працягваецца

Калі вы працуеце ў сферы культуры, медыя ці ствараеце кантэнт і хочаце знаходзіць партнёраў для сумесных праектаў, далучайцеся да праграмы @radakultury і @bajmedia ў межах ArtPower Belarus.
Удзельнікаў чакаюць два анлайн-воркшопы і фінальная сустрэча ў Варшаве: будзем шукаць агульныя тэмы і фарматы супрацоўніцтва, вучыцца пітчыць свае ідэі і знаёміцца з патэнцыйнымі партнёрамі.

💻 1 кастрычніка — воркшоп пра пошук агульных інтарэсаў і фарматаў супрацоўніцтва
💻 5 кастрычніка — практычны воркшоп па пітчынгу
🤝 14 кастрычніка — афлайн-нэтворкінг у Варшаве

📌 Да 20 верасня, 23:59 па Варшаве можна зарэгістравацца на поўную праграму і атрымаць магчымасць прадставіць сваю ідэю на пітчынгу падчас фінальнай сустрэчы.

Удзел бясплатны. Для ўдзельнікаў сустрэчы ў Варшаве магчыма пакрыццё выдаткаў на наземны транспарт з іншых гарадоў Польшчы, а таксама з Літвы ці Германіі.

Колькасць месцаў абмежаваная, удзельнікі праходзяць папярэднюю верыфікацыю.

🔗 Падрабязнасці на сайце і рэгістрацыя па спасылцы

ArtPower Belarus падтрымала выставу hyperMOTHER у межах Warsaw Gallery Weekend

З в 18 па 20 верасня 2026 года ў Музеі Вольнай Беларусі ў Варшаве пройдзе hyperMOTHER — выстава беларускага мастака Аляксандра Адамава, уключаная ў праграму WGW+ Warsaw Gallery Weekend.

Праект даследуе механізмы кантролю і «мяккай улады» праз вобраз санаторыя — прасторы, дзе клопат, камфорт і апека паступова ператвараюцца ў спосаб абмежавання асабістай аўтаноміі. Выстава будзе пабудаваная як татальная інсталяцыя, якая пагружае гледачоў у гэтую сістэму і прапануе не толькі назіраць за ёй, але і фізічна адчуць яе дзеянне.

Удзел у Warsaw Gallery Weekend дазволіць прадставіць актуальнае беларускае мастацтва польскай і міжнароднай аўдыторыі і ўключыць яго ў шырэйшы еўрапейскі кантэкст сучаснага мастацтва.

Фізічную выставу дапоўніць сайт праекта з дакументацыяй і матэрыяламі hyperMOTHER. Ён працягне жыццё праекта пасля завяршэння экспазіцыі і зробіць яго даступным для аўдыторыі, якая не зможа наведаць выставу ў Варшаве.

📍 Музей Вольнай Беларусі, Варшава
🗓 адкрыццё выставы 18 верасня 2026

Праект падтрыманы праграмай ArtPower Belarus і фінансуецца Еўрапейскім Саюзам.

Культура і медыя: нэтворкінг для новых партнёрстваў

Як культурным праектам і медыя знаходзіць не толькі нагоды для публікацый, але і ідэі, якія можна рэалізаваць разам?

@radakultury разам з @bajmedia у межах ArtPower Belarus запускаюць праграму для культурніцкіх арганізацый і ініцыятыў, медыя, журналістаў, блогераў, незалежных аўтараў, кантэнт-крыэйтараў і іншых актараў, зацікаўленых у новых партнёрствах.

У праграме:

💻 1 кастрычніка — анлайн-воркшоп пра тое, як знаходзіць агульныя інтарэсы, тэмы і фарматы супрацоўніцтва.

💻 5 кастрычніка — практычны воркшоп па пітчынгу: як сцісла і зразумела прэзентаваць сваю ідэю і адаптаваць яе пад розных партнёраў.

🤝 14 кастрычніка — афлайн-нэтворкінг у Варшаве: кейсы паспяховых калабарацый, пітчынгі ідэй, зваротная сувязь і знаёмствы з патэнцыйнымі партнёрамі.

Далучыцца можна ў двух фарматах:

→ Уся праграма: два анлайн-воркшопы + сустрэча ў Варшаве.
📌 Рэгістрацыя да 20 верасня, 23:59 па Варшаве.
→ Толькі афлайн-нэтворкінг 14 кастрычніка.
📌 Рэгістрацыя да 6 кастрычніка, 23:59 па Варшаве.

Важна: удзел у пітчынгу падчас фінальнай сустрэчы будзе даступны толькі ўдзельнікам, якія прайшлі ўсю праграму.

Удзел бясплатны. Для ўдзельнікаў афлайн-нэтворкінгу магчыма пакрыццё выдаткаў на наземны транспарт з іншых гарадоў Польшчы, а таксама з Літвы ці Германіі.

Колькасць месцаў абмежаваная, праграма праходзіць у закрытым фармаце з папярэдняй верыфікацыяй удзельнікаў.

🔗 Падрабязнасці, поўная праграма і рэгістрацыя па спасылцы

Куды схадзіць у бліжэйшыя дні? Тры падзеі праектаў, падтрыманых ArtPower Belarus у Амстэрдаме, Вільні і Варшаве.

▪️Freedom Lecture

На амстэрдамскай пляцоўцы De Balie адбудзецца адмысловая вечарына з удзелам лаўрэата Нобелеўскай прэміі міру Алеся Бяляцкага і філосафкі Вольгі Шпарагі. Праграма пачнецца з аўдыявізуальнага перформансу, створанага разам з Music for Belarus.

Падчас падзеі таксама афіцыйна прэзентуюць A Percussion Piece — маштабны партысіпатыўны перформанс у падтрымку беларускіх палітвязняў, які 19 верасня аб’яднае ў Амстэрдаме каля 1 200 удзельнікаў.

🕢 5 верасня, 19:30
📍 De Balie, Amsterdam
🔗 Праграма і квіткі

▪️Прэзентацыя аўдыягіда «Сцежкамі Адамовіча»
Праект, прысвечаны жыццю і спадчыне Алеся Адамовіча, прэзентуюць у Віленскім беларускім музеі імя Івана Луцкевіча.

Аўдыягід прапануе прайсці па сямі мясцінах Глушы, звязаных з жыццём пісьменніка, і пачуць гісторыі, успаміны і цытаты пра Адамовіча і месца, дзе прайшло яго дзяцінства.

🕓 5 верасня, 16:00
📍 Віленскі беларускі музей імя Івана Луцкевіча, Vilniaus g. 20
🎟 Уваход вольны
🔗 Аўдыягід і інфармацыя пра праект

▪️Прэзентацыя кнігі «(Не)выкраслены: Беларускі тэатр 2015–2025. Выбраныя старонкі»

Аўтарка Настасся Панкратава прадставіць кнігу, якая захоўвае і вяртае ў публічную прастору падзеі, імёны і працэсы беларускага тэатра апошняга дзесяцігоддзя — у тым ліку гісторыі творцаў і калектываў, якія сёння сістэмна выдаляюцца з афіцыйнай гісторыі культуры.

Падчас сустрэчы можна будзе пагаварыць пра кнігу, а таксама пра сённяшні і заўтрашні дзень беларускага тэатра па абодва бакі мяжы.

🕖 9 верасня, 19:00
📍 Дом буслоў, Mickiewicza 18B, Варшава

Усе тры праекты рэалізуюцца пры падтрымцы ArtPower Belarus, якая фінансуецца Еўрапейскім Саюзам.

Працягваецца прыём заявак на Трэк 3. Праекты ў асаблівых абставінах

Трэк 3 ArtPower Belarus прызначаны для беларускіх дзеячаў культуры і ініцыятыў, якія апынуліся ў складаных або непрадбачаных жыццёвых і прафесійных абставінах: сутыкнуліся з рэпрэсіямі, вымушанай эміграцыяй, стратай фінансавання або іншымі крызіснымі сітуацыямі.

Падача заявак адкрытая на сталай аснове

◾️ Сума гранта: €1 000–5 000, у выключных выпадках да €10 000
◾️ Адбор: 1–2 разы на месяц у залежнасці ад колькасці заявак
◾️ Старт праекта: не раней чым праз 5 тыдняў пасля падачы заяўкі
◾️ Завяршэнне праекта: не пазней за 31 жніўня 2027 года

За першы год працы Трэка 3 падтрымку атрымалі 36 праектаў, з іх 23 ажыццяўляюцца рэпрэсаванымі дзеячамі культуры, у тым ліку 12 былымі палітзняволенымі, выдваранымі з Беларусі пасля вызвалення.

Хто можа падавацца, якія праекты і выдаткі могуць атрымаць падтрымку і што неабходна для заяўкі, чытайце ў навіне па спасылцы

ArtPower Belarus падтрымала развіццё sekktor як сервіснай платформы для прафесійнай супольнасці ў культуры

@sekktor развівае анлайн-платформу для дзеячаў і дзяячак культуры і сумежных сфер. У ліпені каманда перазапусціла вэб-версію платформы sekktor.online. Цяпер каманда праекта факусуецца на развіцці агрэгатара оўпэнколаў. Напрыклад, у раздзеле “Магчымасці” ўжо публікуецца ўдвая больш абвестак, чым у Telegram-канале @sekktor, а таксама дададзеная персаналізаваная email-рассылка з нагадкамі аб дэдлайнах.

Падтрымка аказваецца ў межах Трэка 1 «Арганізацыйнае развіццё» і скіраваная на развіццё самога sekktor як каманды і арганізацыі. Дзякуючы гранту, апрача дапрацоўкі платформы, каманда працуе над бачнасцю і ўстойлівасцю праекта.

Асобны кірунак — выкарыстанне ШІ ў рэдакцыйных працэсах, каб знаходзіць і апрацоўваць больш оўпэнколаў і такім чынам даваць дзеячам культуры больш інфармацыі пра даступныя магчымасці, у тым ліку, у вузкіх сферах. Зараз каманда публікуе каля 170 абвестак на месяц і ставіць задачу за восеньскія месяцы павысіць гэтую лічбу да 300.

«Дзякуючы ArtPower Belarus нам удалося выправіць памылкі першай платформы і закласці аснову, каб далей маштабаваць сайт больш гнутка, на сучасным тэхналагічным стэку», — адзначае каманда праекта sekktor.

🔗 Сачыць за магчымасцямі і развіццём платформы: sekktor.online

Праект падтрыманы праграмай ArtPower Belarus і фінансуецца Еўрапейскім Саюзам.

Працягваем цыкл гісторый #ArtPowerBelarus

У новым матэрыяле — гісторыя музыканта Аляксея Сяленкі, які пасля вызвалення апынуўся ў Літве і пачаў нанова будаваць сваё жыццё і вяртацца ў прафесію.

Падтрымка ў межах Трэка 3 ArtPower Belarus дазволіла Аляксею набыць барабанную ўстаноўку, аднавіць рэпетыцыі пасля доўгага перапынку і пачаць выступаць у Вільнюсе. Праз вулічныя перформансы ён паступова ўвайшоў у мясцовае музычнае асяроддзе, знайшоў новыя прафесійныя кантакты і працягвае развіваць праект, у аснове якога простая для яго думка: «Свабодны горад — гэта горад, дзе людзі могуць танцаваць на вуліцах».

У матэрыяле Аляксей распавядае пра вяртанне да музыкі пасля зняволення, адаптацыю ў новай краіне, вулічныя выступы як «прамую ін’екцыю культуры» і планы стварыць у Вільнюсе ўласную школу ігры на барабанах.

Чытайце артыкул па спасылцы