🎙OTM talabalari o‘rtasida “Munozara” debat bahslarining hududiy bosqichi o‘tkazildi
Bugun, 12-oktyabr kuni Andijon davlat universitetida talaba-yoshlarning intellektual salohiyatini yuksaltirish, ularda ilmiy dunyoqarash, mantiqiy va tanqidiy fikrlash ko‘nikmalarini shakllantirish, o‘z fikrini erkin hamda dalillarga asoslangan holda ifodalash qobiliyatini rivojlantirish maqsadida oliy ta’lim tashkilotlari talabalari o‘rtasida “Munozara” debat bahslarining hududiy bosqichi bo‘lib o‘tdi.
Bahslar davomida ishtirokchilar o‘zlarining notiqlik mahorati, mustaqil fikrlashi, mantiqiy mushohada yuritishi va dalillar asosida o‘z pozitsiyasini himoya qilish qobiliyatlarini namoyon etdilar. Shuningdek, munozaralar jarayonida fikrlar xilma-xilligiga hurmat bilan yondashish, xolislik va munozara madaniyatiga rioya etishga alohida e’tibor qaratildi.
📕Yakuniy natijalarga ko‘ra, quyidagi jamoalar faxrli o‘rinlarni qo‘lga kiritdi:
1️⃣-o‘rin — Andijon davlat texnika instituti jamoasi;
2️⃣-o‘rin — Andijon davlat universiteti jamoasi;
3️⃣-o‘rinni — Andijon qishloq xo‘jaligi va agrotexnologiyalar instituti jamoasi egalladi.
Hududiy bosqichda g‘oliblikni qo‘lga kiritib, keyingi bosqichga yo‘llanma olgan jamoani samimiy tabriklaymiz va navbatdagi bellashuvlarda ham ulkan muvaffaqiyatlar, omad hamda zafarlar tilaymiz!
Mazkur intellektual bellashuvlar talaba-yoshlarning salohiyatini ro‘yobga chiqarish, faol va tashabbuskor yoshlarni qo‘llab-quvvatlash, shuningdek, ular o‘rtasida sog‘lom fikr, erkin tafakkur va konstruktiv munozara madaniyatini rivojlantirishga xizmat qiladi.
⭐ Bizning rasmiy sahifalarimiz
⭐ Veb−sayt ⭐ Telegram
⭐ Facebook ⭐ Instagram