ADU.UZ | Rasmiy kanal

⭐️⭐️⭐️⭐️⭐️⭐️⭐️⭐️⭐️⭐️

🇺🇿🇧🇾ADU talabalari xalqaro ta’lim dasturi doirasida Belarusiyada

Ayni kunlarda Andijon davlat universiteti talabalari akademik mobillik dasturi doirasida xorijiy ta’lim muassasasining o‘quv jarayoni bilan yaqindan tanishish, bilim va ko‘nikmalarini mustahkamlash hamda xalqaro tajriba almashish maqsadida Belarus Respublikasida tashkil etilgan qisqa muddatli xalqaro ta’lim dasturida ishtirok etmoqda.

Bugun, 14-oktyabr kuni talabalar Belarus Respublikasining Vitebsk shahrida joylashgan universitetga tashrif buyurib, uning ta’lim muhiti, o‘quv jarayoni va faoliyati bilan tanishdilar. Shuningdek, shahar bo‘ylab sayohat davomida Vitebskning tarixiy maskanlari, diqqatga sazovor joylari, o‘ziga xos me’morchiligi va boy madaniy merosini yaqindan o‘rgandilar.

Sayohat davomida talabalar shaharning tarixi, madaniy an’analari va zamonaviy hayoti haqida ma’lumotlarga ega bo‘lib, Belarus xalqining milliy qadriyatlari hamda madaniy merosi bilan yaqindan tanishish imkoniga ega bo‘ldilar.

Akademik mobillik dasturlari yoshlarning kasbiy va intellektual salohiyatini rivojlantirish, xalqaro tajriba almashish hamda madaniyatlararo muloqot ko‘nikmalarini shakllantirishda muhim ahamiyat kasb etadi.

Andijon davlat universiteti talabalarining Belarus Respublikasidagi ishtiroki ularning ta’lim va madaniyat sohalaridagi xalqaro tajribasini boyitish, yangi bilim va taassurotlar orttirish hamda xalqaro hamkorlik aloqalarini mustahkamlashga xizmat qilmoqda.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

🎗️🎗️🎗️🎗️🎗️

ADUda “Qizlar — Yangi O‘zbekiston bunyodkorlari” mavzusida tantanali tadbir bo‘lib o‘tdi

Andijon davlat universitetida viloyat hokimligi hamkorligida 11-oktabr — Xalqaro qizlar kuni munosabati bilan xotin-qizlarning jamiyatdagi o‘rnini yuksaltirish, intellektual va ijodiy salohiyatini qo‘llab-quvvatlash hamda tashabbuslarini rag‘batlantirish maqsadida “Qizlar — Yangi O‘zbekiston bunyodkorlari” shiori ostida tantanali tadbir tashkil etildi.

Tantanali tadbir avvalida Andijon viloyati hokimi o‘rinbosari Nigoraxon Yunusova hamda universitet rektorining xotin-qizlar masalalari bo‘yicha maslahatchisi Sobiraxon Toshpo‘latova so‘zga chiqib, qizlarni har tomonlama qo‘llab-quvvatlash, ularning sifatli ta’lim olishi, kasbiy salohiyatini ro‘yobga chiqarishi hamda mamlakat ijtimoiy-iqtisodiy taraqqiyotidagi faol ishtirokini ta’minlash ustuvor vazifalardan biri ekanini ta’kidladilar.

Shuningdek, “Qizlar — kelajak bunyodkorlari” mavzusidagi chiqishlarda xotin-qizlarning jamiyat taraqqiyotidagi o‘rni, zamonaviy bilim va kasb-hunarlarni egallashi, tashabbuskorlik hamda yetakchilik fazilatlarini rivojlantirish masalalariga alohida e’tibor qaratildi. Tadbir doirasida milliy qadriyatlarimiz va an’analarimizni o‘zida mujassam etgan milliy liboslar namoyishi ham tashkil etildi.

Tadbir talaba-qizlar ishtirokidagi badiiy-musiqiy dastur bilan davom etib, yakunda faol, iqtidorli va tashabbuskor qizlar taqdirlandi hamda ularni har tomonlama qo‘llab-quvvatlash, salohiyatini ro‘yobga chiqarish va yangi yutuqlar sari rag‘batlantirish muhimligi ta’kidlandi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram