«دئدیم، دئدی»
دئدیم: حسین آغانین اوره‌یی گلدی یئرینه، بلاخره تنگه‌نی باغلادیق.
دئدی: باغلادیق آمما اؤز اؤزوموزه.
دئدیم: آللاهین یاردیمی ایله شهریوره ده آیاق باسدیق تامین اجتماعی هله ده فروردین_اوردیبهشت‌ین معوقه‌سینی وئرمه‌ییب.
دئدی: اوتانماسان اوینماغا نه وار؟
دئدیم: بیر ایل ده خانیملارین موتور سورمه‌یینه قوواهیناما وئرمک قانونو دا کئچدی، آمما خانیملارا قوواهی وئرن یوخدو.
دئدی: حجاب دئیل کی بعضیلرینی ائولرینده گئجه‌لر آغلادا، قانوندی، یاز بوزا قوی گونه سرینله‌ینده سویون ایچرسن.
دئدیم: نئولیبرال‌لار ایله انقلابی‌لرین فرقی نه‌دی؟
دئدی: سلام بر آمریکا، مرگ بر آمریکا.
دئدیم: آموزش عالی هرگون اطلاعیه وئریر ارشدین نتیجه‌سینی مرداد آیی‌نین آخرینده وئره‌جک. سن‌جه مردادین آخری هاچاندی؟
دئدی: گومان ائدیرم مردادین آخیری آبان‌نین اون‌بئشیدی.
دئدیم: وزیر آموزش پرورش دئییر «مدرسه‌لرین ثبت نام اوچون اوشاقلارادان، پول آلماغا حاقی یوخدور».
دئدی: وزیرین ده اوشاقلارینی موفته یازمیرلار، قالا بیزیمکی‌لری.
دئدیم: آمریکا دونیادا بیر بئله جنایت ائدیر، کیمین بوینونادی؟
دئدی: قدیم روسیه‌نین بوینونا ایدی، ایندی ده چین‌ین بوینونادی.
دئدیم: رئیس جمهور بو مملکتده نه‌چی کاره‌دی؟
دئدی: قیشدا بوستان گؤزتچیسی‌دیر.
دئدیم: بو تلوزیون دردیمیزه دگمیری، ائوده یئر توتور.
دئدی:وئر آغای جبلّی قوش یوواسی دوزتسین...
دئدیم: بالا! ساعات بیردی سن هله یوخودان دورمامیسان؟
دئدی: آنام بیلمیرکی من «بتمن»م گئجه سحره‌جه شهری قورویورام.
https://t.me/Adabiyyatsevanlar
Post #30661
551