رضا حیدرزاده

بیلیرسینیز اووجومده نه وار؟ یاراماز بیر یارادیق
بلکه بیر قوش بلکه بیر بالیق
منیم توروم گویلردن کئچنلره آچیقدیر آچیق
کئچنده بو باشی سویوق
دوشدو 
توروما بو آزقین
بو یا‌زیق

بیلیرم
گویون بالیقلاری اوزر ایشیقدا
قوشلاری اوچار قارنلیقدا
یوخولاری چوخ  قاریشیق
چوخ دا قالا بالیق

نه یاللی گئدرلر نه سینامایا !
آیین قولاغینا پیرچیلدیردی  بیر اولدوز
حاییف کی  ائشیتدی
شوشلنمیش گویلره بیر قولاق
ساییقجا، چوخ دا آییق!

اوووجومو آچارسام
قاچاجاق
قورخورام عومور بویو قالیم
يانيق_ يانيق
اوچارسا اوچار گویه
قاچارسا، بیلمیرم نه ریه.

  قولاق وئرین ، قولاق وئرین!!
بو گونلر گویده  بیر سس وار
چوخ غریب !

بیر اولدوز
سامان یولوندا سفیلجه سینه آغلاییر

ایشیق- ایشیق

و گوز یاشلاری با شیمیزا یاغیر
ایستی ایستی
سینیق- سینیق.
اورمو 1405

https://t.me/Adabiyyatsevanlar