چارپارا

حیدر بابایی(جهان)

سنی یوخلوقوندا کشف ایله دیم من
اوزومو اوزومده آختاران زامان
ایله بیلدیم بیر شیی اسکیکدی منده
سن سیزلیگیم منده کشف اولان زامان
....
سنی من آینامدا، ایچیمده تاپدیم
اورک دویونتوسو باشلاندی منده
یامان آجی یامان شیرین بیر دویغو
داملا داملا وارلیقیما چوکنده
...
من بیر اتاق سن بیر آچیق پئنجره
قوناق گتیردین اولدوزلاری آیی
سن گلنده  من لن باریشدی حیات
منیم چون سن اولدون تانری نین پایی
...
یاییلدیق جان اوتاقیما ائویمه
منلیگیمده یئنی بیر من قورولدو
بولاندیریق گئجه لردن قورتولدوم
آخان چایلار ایچریمده دورولدو

https://t.me/Adabiyyatsevanlar