سحر بارانی

آرامیزدا مین بیر گونش ایلی آیریلیق وار
باخیشلارین داها آینا ایله ایشیق دادمیر،
باخینجا ایتیرم زامان‌لاری
آزیرام خریطه‌لری
بوراسی لوندرا
بوراسی سیدنی
بورا استانبول دورمو پاشام؟
گؤزلرین آجی قهوه باخیر
گؤزلرین قیرمیزی رژلو بیر قادینین آخشام چایی دیر
ارمنی‌لرکافه سینده
بیر چای ایچه‌ریک‌می؟
بیرلیکده!
40مین ایل بوندان اؤنجه
سئوگیلی اولموشدوق
بیر دفعه
40ایل مین گونش...
پلیس یوخمو سیزین شهرده
منی سن اولان چاغ‌لارا  گتیر
ایتمیشم اوتاغیمیزدا
بورداسان‌می؟
اوزات بارماق‌لارینی
کسمه‌میشم حله ساچ‌لاریمی
قارا کؤلگه گزیرسن اوتاغیمیزدا
قوردسان می؟
شووالیه می؟
دوداق‌لاریندان شاختا سیزیر  اوتاغیمیزا
قورخورام کؤلگه‌لردن!
آرخامجا سورونن او آدامدا دئییلدین سن.
چیین‌لریمه چؤکور دونیا
بیری الیمدم توتسون،
قیسیلسام بو دونیانین بوجاغینا
آچیلمایاجاق آرتیق یول‌لارین قیریش‌لاری
گؤزلرینی هاردا گؤرموشدوم سنین
آی دنیزله اویناشماقدا
فیرتینا قوپاجاق می یوخسا!
منی اوتاغیمیزا آپارین...


https://t.me/Adabiyyatsevanlar