🧬 Қаришни ортга қайтариш мумкинми?

Олимлар 80 ёшли инсоннинг қон ҳужайраларидан молекуляр ёши 20 ёшдан кичик бўлган нерв илдиз ҳужайраларини яратишди!

Тадқиқот жараёнида ҳужайраларнинг молекуляр қариш белгилари сезиларли даражада ўзгариб, улар ёш нерв илдиз ҳужайраларига хос функционал хусусиятларга ҳам эга бўлди. Бу жараён 100 кундан ортиқ давом этди.

🔬 Ушбу кашфиёт келажакда нерв тизими касалликларини даволаш, шикастланган тўқималарни тиклаш ва қариш механизмларини чуқурроқ ўрганиш учун янги имкониятлар очиши мумкин.

Албатта, бу ҳали бутун организмни ёшартириш ёки инсон умрини узайтириш усули кашф этилди, дегани эмас. Технологиянинг хавфсизлиги ва самарадорлиги ҳали қўшимча тадқиқотлар орқали исботланиши керак.

Аммо бир нарса аниқ: инсон қариш жараёнининг молекуляр механизмларини англаш ва уларга таъсир кўрсатиш сари дадил қадам ташламоқда.

Олимлар бу тадқиқотлари билан инсонни ёшартириш йўлида катта қадам қўймоқдалар!

Аллоҳ насиб этса, инсон зоти — инсониятнинг отаси Одам алайҳиссалом каби минг йиллга яқин умр кўриш имконияти ҳам келажакда пайдо бўлиши мумкинми?

Зеро, инсон Яратганнинг яратувчилик сийратидан баҳраманд этилган эмасми? Инсон тафаккури ва илмий изланишлари яна қандай мўъжизаларга эшик очар экан?

Тафаккур қилайлик!

Социолог, Сухробхўжа Хидиров

@Xidirovformat