🔻🔻🔻🔻🔻🔻🔻🔻🔻🔻🔻🔻
На сайце МУС з'явілася абвестка пра "тэхнічныя прычыны", па якіх недасяжныя "экстрэмісцкія" спісы

Пералік так званых "экстрэмісцкіх фармаванняў" не абнаўляўся на сайце ведамства з 3-га верасня. Але гэта зусім не азначае, што ў гэты спіс перасталі дадаваць усё новых суб'ектаў.

28 верасня мы заўважылі, што з "пераліку асобаў, датычных да экстрэмісцкай дзейнасці", знікла частка спіса, абноўленага 25 верасня. Там і да сённяшняга дня можна паглядзець толькі звесткі, актуальныя на 18 верасня.

"Тэхнічныя прычыны", пра якія гаворыцца ў сённяшнім паведамленні, могуць азначаць для інтэрнэт-карыстальнікаў усё, што заўгодна. Ад удасканалення працы сайта да памкнення схаваць ад грамадскасці дадзеныя пра асуджаных па палітычна матываваных артыкулах. Падобнае ўжо было, каля пасля "тэхнічных работ" на сайце Вярхоўнага суда знікла агульнадаступная база судовых выракаў і рашэнняў - цяпер з ёй можа знаёміцца толькі вузвае кола асобаў па адмысловым запыце.