Кадравы калапс у Беларусі засведчыла служба занятасці: "ярмаркі вакансій" праводзяць ужо для пенсіянераў і асобаў з інваліднасцю

29 і 30 верасня такое мерапрыемства абвясціла Віцебская служба занятасці, працу гатовы прапанаваць 40 арганізацый і прадпрыемстваў горада. Падобныя запрашэнні адрасаваны гэтымі днямі асобам з інваліднасцю, пенсійнага і перадпенсійнага ўзросту і ў іншых рэгіёнах. Усё гэта - у межах рэспубліканскай акцыі па працаўладкаванні.

Ні для каго не сакрэт, што пасля гвалту над мірнымі пратэстоўцамі ў 2020 годзе з Беларусі з'ехалі дзесяткі тысяч чалавек, потым з працы пачалі звальняць людзей пасля судоў і "сутак" за "распаўсюд экстрэмізму ў інтэрнэце", наступным крокам стаў ідэалагічны кантроль ва ўстановах і на прадпрыемствах - не прайшоўшых яго на працу не возьмуць...

У выніку - вось яно: запрашэнне ў Беларусь іншаземцаў і прапановы папрацаваць тым, хто ўжо на заслужаным адпачынку ці мае сур'ёзныя праблемы са здароўем.