Былую выхавацельку дзіцячага сада абвясцілі “экстрэмісткай”

Аксане Марынінай з Мінска праз 10 дзён споўніцца 59 гадоў. Сёння яе імя і прозвішча з’явілася на сайце МУС у пераліку асобаў, “датычных да экстрэмісцкай дзейнасці”.

Паводле інфармацыі на сайце ведамства, суд Першамайскага раёна Мінска прызнаў жанчыну вінаватай паводле ч.1 арт.368 КК РБ – за абразу Аляксандра Лукашэнкі і паводле ч. 1 арт. 342 КК РБ – за удзел у “дзеяннях, якія груба парушаюць грамадскі парадак”. Выглядае, што Аксану Марыніну асудзілі да “хатняй хіміі”.

Звяртае на сябе ўвагу той факт, што ў абвінавачанні згаданы арт. 342 КК, які звычайна ўжываецца да ўдзельнікаў пратэстаў 2020 году. Тэрмін даўніны па гэтым артыкуле ( 5 год) даўно сышоў, але праваабаронцы адзначаюць, што толькі ў першай палове 2026 года (на 10 верасня 2026 года) па гэтым артыкуле ў «спіс экстрэмістаў» дадалі 30 чалавек. Прычым у 27 чалавек арт. 342 выкарыстоўваўся ў спалучэнні з іншымі артыкуламі Крымінальнага кодэкса, у тым ліку з арт. 368 (абраза Аляксандра Лукашэнкі), як цяпер – у Аксаны Марынінай.

Аксана Марыніна мае вышэйшую педагагічную адукацыю ( БДПУ ім.М.Танка) і ўсё жыццё працавала ў дзіцячых дашкольных установах. Яе апошняе месца працы ( у 2024 годзе) – мінскі дзіцячы садок № 472.