Гарвыканкам вырашыў, што талісманам Віцебска стане "Валошнік" ❓❓❓

Як гэты персанаж выглядае - не ведае ніхто. Як невядома і тое, чаму менавіта "Васильковый маг" (так гэты персанаж называецца па-руску) абраны ў якасці талісмана Віцебска.

✔️Скульптуры "Валошнікаў" з'явяцца на вуліцах на ўзор гномаў ва Ўроцлаве.
Але там іх з'яўленне ў якасці талісманаў звязана з гарадскімі легендамі, і таму выглядае натуральным. Тады як "Валошнік" - плод фантазіі віцебскай студэнткі Настассі Мядзведзевай - яе прапанова спадабалася камісіі, створанай дзеля зацвярджэння персанажа-талісмана.

Такім чынам, конкурс на прыдумку талісмана Віцебска завершаны. Але абвешчаны наступны - на найлепшае мастацкае ўвасабленне "Валошніка". Удзельнікам прапанавана рабіць скульптуры вышынёй да 30 см - у натуральную велічыню.