🔘 Har haftaning payshanba kuni mamlakatimizda yoshlar bilan ishlash, ularni har tomonlama qo‘llab-quvvatlash, bilim va salohiyatini oshirish hamda tashabbuslarini rag‘batlantirishga alohida e’tibor qaratiladi.
🔘 Shu munosabat bilan Qo‘qon shahridagi Amiriy kutubxonasida yoshlarning intellektual salohiyatini yuksaltirish, ularni ilm-fan, ta’lim va kasb-hunarga qiziqtirish, shuningdek, ma’naviy dunyoqarashini boyitish maqsadida “Yoshlar — kelajak bunyodkorlari” mavzusida ma’naviy-ma’rifiy uchrashuv tashkil etildi.
🔘 Tadbirda O‘zbekiston texnik jihatdan tartibga solish agentligi direktorining maslahatchisi N. Mamadaliyeva, filial rahbarlari va xodimlari, Qo‘qon davlat universiteti doktori R. Ummatov, B. Xaminov, A. Akbarov hamda universitet talabalari ishtirok etdilar.
Uchrashuv davomida yoshlarning jamiyat taraqqiyotidagi o‘rni, zamonaviy bilim va kasbiy ko‘nikmalarni egallashning ahamiyati, ilm-fan yutuqlaridan samarali foydalanish hamda mamlakatimiz rivojiga munosib hissa qo‘shish masalalariga e’tibor qaratildi.
Shuningdek, yoshlarda mustaqil fikrlash, izlanish va yangi tashabbuslarni ilgari surish ko‘nikmalarini shakllantirish yuzasidan fikr-mulohazalar bildirildi.
Tadbir doirasida filial xodimlarining davlat tilida savodli yozish ko‘nikmalarini mustahkamlash, rasmiy ish yuritish madaniyatini yuksaltirish maqsadida diktant tashkil etildi. Yakunda diktantni eng yaxshi va savodli yozgan xodimlar aniqlanib, ularga esdalik sovg‘alari topshirildi.
🌐 standart.uz | 😎 Facebook | 😎Instagram | 😎YouTube