✅ Bugun, 12-oktabr kuni O‘zbekiston Respublikasi Texnik jihatdan tartibga solish agentligi direktorining o‘rinbosari Timur Mashanpin Germaniyaning «Milliy sifat infratuzilmasidagi islohotlarni qo‘llab-quvvatlash» loyihasi koordinatori Nadine Tatge bilan uchrashuv o‘tkazdi.
Uchrashuv avvalida O‘zbekiston Respublikasi Hukumat va Germaniya Federativ Respublikasi Hukumat o‘rtasida 2026–2027-yillarga mo‘ljallangan moliyaviy va texnik hamkorlik masalalari bo‘yicha navbatdagi hukumatlararo muzokaralarning muvaffaqiyatli o‘tkazilgani alohida ta’kidlandi.
✅ Muzokaralar davomida tomonlar loyiha doirasida quyidagi muhim yo‘nalishlarni ko‘rib chiqdilar:
✅Sohaviy vazifalar: Standartlashtirish, metrologiya va muvofiqlikni baholash sohalarida amalga oshirilishi lozim bo‘lgan vazifalar va chora-tadbirlar rejasi;
✅Kadrlar salohiyati: Texnik jihatdan tartibga solish sohasidagi takliflar hamda xodimlar malakasini oshirish masalalari;
✅Sanoat bilan integratsiya: Mahalliy sanoat korxonalari bilan tizimli ishlash, jarayonlarni o‘zaro integratsiya qilish va sohaga xalqaro tajribani joriy etish.
Shuningdek, uchrashuvda milliy qonunchilik, texnik jihatdan tartibga solish, muvofiqlikni baholash mehanizmlari hamda standartlashtirishga oid normativ hujjatlarni
Jahon savdo tashkiloti (JST)
talablariga uyg‘unlashtirish masalariga alohida e’tibor qaratildi. Xalqaro tajriba asosida
«Mahsulot xavfsizligi to‘g‘risida»gi
qonun loyihasini ishlab chiqish va bu boradagi ishlarni samarali muvofiqlashtirish eng muhim vazifalardan biri sifatida qayd etildi.
✅ Uchrashuv yakunida tomonlar 12-noyabr kuni O‘zbekistonda Jahon sifat haftaligini yuqori darajada tashkil etish, sifat infratuzilmasini yanada rivojlantirish hamda O‘zbekiston va Germaniya o‘rtasidagi texnik hamkorlikni izchil davom ettirishga kelishib oldilar.
🌐 standart.uz | 😎 Facebook | 😎Instagram | 😎YouTube