Хусусий таълим учун янги молиявий имкониятлар эълон қилинди

21 сентябрь куни Савдо-саноат палатасида хусусий таълим соҳасида фаолият юритаётган тадбиркорлар билан ўтказилган очиқ мулоқотда долзарб масала кўтарилган эди.

Тадбиркорлар мактаб, боғча ва бошқа таълим объектларини ташкил этиш учун субсидия, солиқ имтиёзлари ва молиявий қўллаб-қувватлаш механизмларини аниқ белгилаш таклифини билдирдилар.

🔥 Мазкур таклиф Президент Шавкат Мирзиёев томонидан қўллаб-қувватланиб, аниқ чораларда ўз аксини топди.

Энди ўқув юкламаси юқори бўлган 52 та туманда хусусий мактаблар очиш учун янги молиявий қўллаб-қувватлаш механизмлари жорий этилади:

👍 7 йил муддатга 10 фоизли имтиёзли кредит берилади;
👍 мактабни очиш ва жиҳозлаш харажатларининг 15 фоизигача, кўпи билан 1,5 млрд сўмгача субсидия ажратилади;
👍 биносини мактабга ижарага берган мулкдорларга ер ва мол-мулк солиғи бўйича имтиёзлар берилади.

🕊Telegram 📱Instagram 📱Facebook 📺Youtube