🇺🇿🇮🇶Эрбил шаҳрида ўтаётган CONSTRUCT IRAQ 2026 кўргазмаси доирасида Ўзбекистон Савдо-саноат палатаси, Савдони ривожлантириш компанияси ҳамда мамлакатамизнинг Қувайтдаги элчихонаси ташаббуси билан халқаро бизнес-форум ташкил этилди.
Асосий мақсад — Ўзбекистон маҳсулотларини Ироқ ва минтақа бозорларига кенгроқ олиб чиқиш, янги ҳамкорларни жалб этиш ва экспорт географиясини янада кенгайтириш.
50 дан зиёд маҳаллий ишлаб чиқарувчи ва экспортчи иштирок этган форумда Ироқ ва минтақа бозорининг эҳтиёжлари, экспорт йўналишлари, логистика имкониятлари ҳамда янги ҳамкорлик механизмлари муҳокама қилинди.
📊 Бугун Ўзбекистон ва Ироқ ўртасидаги савдо-иқтисодий алоқалар янги босқичга кўтарилмоқда. Сўнгги йилларда икки мамлакат ўртасидаги товар айирбошлаш ҳажми 43 фоизга ошган.
Илгари Ўзбекистондан Ироққа амалга оширилган соф экспорт ҳажми йилига 34–50 миллион доллар атрофида бўлган бўлса, бугун ушбу кўрсаткични бир неча баробар ошириш учун янги имкониятлар пайдо бўлмоқда.
Ироқ бозори — катта салоҳият
Ироқ ҳар йили хориждан қарийб 93 миллиард долларлик маҳсулот импорт қилади. Таҳлилларга кўра, Ўзбекистон қулай логистика ва рақобатбардош нархлардан фойдаланган ҳолда ушбу бозорга 1 миллиард долларгача маҳсулот етказиб бериш салоҳиятига эга.
✔️Эрбил эса минтақавий савдо ва логистика марказига айланиш сари бормоқда.
Шаҳарда амал қилаётган божсиз савдо режими минтақада маҳсулотларни тақсимлаш учун қўшимча имкониятлар яратмоқда. Тошкентдан Эрбил ёки Бағдодга автомобиль орқали юк етказиб бериш ўртача 10 иш кунини ташкил этади.
Бу омиллар Ўзбекистон маҳсулотларининг минтақа бозорида рақобатбардошлигини оширишга хизмат қилади.
👍 Форумнинг кейинги қисми B2B учрашувлар ва икки томонлама музокаралар билан давом этди. Тадбиркорлар ўз маҳсулотларини тақдим этиб, Ироқлик ҳамкорлар билан янги шартномалар ва қўшма лойиҳалар бўйича музокаралар олиб бордилар.
🕊Telegram 📱Instagram 📱Facebook 📺Youtube