⚡️⚡️⚡️O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida yoshlarning harbiy ta’limga qiziqishini oshirish, ularni vatanparvarlik ruhida tarbiyalash hamda harbiy kasbning sharafli jihatlarini keng targ‘ib qilish maqsadida “Ochiq eshiklar kuni” tadbiri o‘tkazildi.

Tadbir davomida ishtirokchilar institutdagi ta’lim jarayoni, yaratilgan shart-sharoitlar, harbiy texnika va jihozlar, kursantlarning kundalik faoliyati hamda amaliy mashg‘ulotlar bilan yaqindan tanishdi.

Shuningdek, yoshlarga harbiy ta’lim olish imkoniyatlari, institutdagi o‘quv jarayoni va harbiy kasbning o‘ziga xos jihatlari haqida ma’lumotlar berildi.

👉@mudofaalive